Connspaid a' leantainn mu fhear-gairm a' Choimisein

Dhiùlt Rùnaire na h-Eaconomaidh Dùthchail, Fearghas Ewing, a ràdh co-dhiù an tèid iarraidh air fear-gairm Choimisean na Croitearachd a dhreuchd fhàgail.

Chuir coinneamh ann an Steòrnabhagh taic an t-seachdainn-sa ri iarrtas Chaidreachas na Croitearachd gum fàgadh Cailean Ceanadach a dhreuchd 's mì-thoileachas mòr ann mun dòigh anns an deach dèiligeadh ri dà chomataidh ionaltraidh ann an Leòdhas.

Chaidh bhòt cion-earbsa cuideachd a chumail anns a' Choimisean fhèin.

Bha Mgr Ewing an làthair Diardaoin aig Fèill Àiteachais an Eilein Duibh.

Thuirt e gu bheil e air a bhith bruidhinn ris a' Choimisean mu na thachair bho choinn ghoirid.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile