Corp fireannaich ga lorg ann an Cataibh

Peadar Ripley Image copyright Police Scotland
Image caption Cha deach Peadar Ripley, à Drochaid a' Bhanna, fhaicinn bho oidhche na Sàbaid

Chaidh corp fireannaich a lorg as deidh do dhuine a dhol a dhìth bho dhachaigh ann an Drochaid a' Bhanna.

Bha iomairt mhòr a' dol gus lorg fhaighinn air Peadar Ripley, 60, a chaidh fhaicinn mu dheireadh oidhche na Sàbaid.

Ged nach deach a dhearbhadh gu oifigeil, chaidh innse dha teaghlach Mhgr Ripley gun deach corp a lorg ann an sgìre Dhrochaid a' Bhanna.

Bha na poilis uabhasach draghail mu dhèidhinn is e air falbh gun na cungaidhean leigheis aige.