Fear-aghaidh ùr aig ICT

Image copyright SNS

Image caption Chan eil Inbhir Nis air an seusan a thòiseachadh gu math idir.

Tha Caledonian Thistle air fear-aghaidh, Lonsana Doumbouya, a thoirt a-steach air cùmhnant dà bhliadhna.

Chluich am Fraingeach, 26, a rugadh ann an Guinea, dha Cercle Brugge sa Bheilg mu dheireadh.

Roimhe sin, bha e a' cluiche san Fhraing.

Tha Caley Thistle aig bonn na Prìomh Lìge is iad gun phuing fhaighinn fhathast.

Chaidh iad a-mach à Cupa na Lìge an aghaidh Alloa.

Thathas a' tuigsinn gu bheil am manaidsear, Richie Foran, fhathast a' feuchainn ris an sguad aige a neartachadh.

Cluichidh ICT St Johnstone Disathairne.