Taic do sgoil ùir ann an Sròn an t-Sithein

Image copyright Kenneth Allen/Geograph

Image caption 'S ann leis a' choimhearsnachd a bhiodh an sgoil ùr.

Chuir comataidh foghlaim Chomhairle na Gàidhealtachd taic ri plana fon togadh muinntir Shròn an t-Sithein bun-sgoil ùr dhaibh fhèin.

Tha a' bhuidheann a th' air cùl nam planaichean ag ràdh gu bheil bun-sgoil ùr a dhìth, 's iad deònach a togail iad fhèin agus a leigeil a-mach air màl dhan Chomhairle.

Tha iad am beachd an togalach a dhèanamh ann an dòigh a bhiodh a' ciallachadh gum faodadh iad feum eile a dhèanamh dheth mura biodh a' Chomhairle ga iarraidh tuilleadh.

Feumaidh iad fhathast an t-airgead a thogail a leigeadh leotha am pròiseact a thoirt air adhart.

Ma thèid leotha, 's e seo a' chiad sgoil air a' Ghàidhealtachd a bhiodh leis a' choimhearsnachd.