Planaichean an ionaid cheartais gan taisbeanadh

Image copyright SCTS

Image caption Bidh cothrom aig an t-sluagh sùil a thoirt air na planaichean Dimàirt

Bidh cothrom aig muinntir Inbhir Nis sùil a thoirt air planaichean airson ionad-ceartais ùir a' bhaile Dimàirt.

Thèid na cùirtean - a tha an-dràsta stèidhichte anns an Caisteal Inbhir Nis - a ghluasad dhan làraich ùir eadar Rathad an Longman agus Rathad Bhurnett.

Leigeadh seo leis a' chaisteal a bhith air a leasachadh agus air fhosgladh dhan phoball.

Bha Rùnaire a' Cheartais, Mìcheal MacMhathain ann an Inbhir Nis Diluain airson foillseachadh nam planaichean 's thuirt e gum bi an t-ionad ùr gu feum a' bhaile agus gu maith na Gàidhealtachd air fad.

Thuirt Pròbhost Inbhir Nis, Eilidh NicIlleMhìcheil, gu bheil i air a dòigh gu bheil cothrom ann a-nis feum nas fheàrr a dhèanamh den chaisteal mar àite a thàlas luchd-turais.

Bidh na planaichean gan taisbeanadh ann an Ionad an Spectrum ann an Inbhir Nis eadar 2:00f agus 7:00f Dimàirt.

'S e Riaghaltas na h-Alba a mhaoinicheas am pròiseact.