Buidseat Chomhairle na Gàidhealtachd ga stèidheachadh

Comhairle na Gàidhealtachd
Image caption Tha dùil gun tig àrdachadh air a' Chìs Chomhairle

Tha dùil gun aontaich comhairlichean na Gàidhealtachd a' Chìs Chomhairle a chur suas 3% Diardaoin 's iad a' stèidheachadh a' bhuidseit aca airson na h-ath-bhliadhna ionmhais.

Thogadh an t-àrdachadh sin còrr is £3.5m dhaibh.

Tha gearraidhean mòra anns an amharc aig a' Chomhairle 's aca ri £20m a chùmhnadh ann an 2017/18.

Tha iad air cuid de na gearraidhean sin a chomharrachadh mar-thà, ach tha beàrn de cha mhòr £10m ann fhathast.

Ma thèid le molaidhean na buidhne riaghlaidh, thèid ionad cùraim faochaidh Stafainn a ghluasad a Phort Rìgh, thig lùghdachadh air a' bhuidseat airson na sràidean a ghlanadh agus thig gearradh air seirbheis gearradh an fheòir.

Uile gu lèir theid còrr 's 120 dreuchd làn-ùine a ghearradh am-bliadhna.

Tha an t-aonadh Unison ag ràdh gum bi uallach a bharrachd air an luchd-obrach a th' air fhagail agus gum fulaing slàinte dhaoine ri linn.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile