"Taic a dhìth air coimhearsnachdan iomallach"
- Published
Dh'iarr riochdairean na Gàidhealtachd 's nan Eilean gum biodh taic shònraichte ann do na sgìrean as iomallaiche ge be càit' am bi bòrd-stiùiridh HIE stèidhichte.
Nochd an t-iarrtas aig Co-chruinneachadh na Gàidhealtachd 's nan Eilean a choinnich ann an Sealtainn Diluain.
Rinn riochdairean chomhairlean na sgìre soilleir ge-tà, nach robh iad airson 's gun deadh cur às do bhòrd-stiùiridh HIE, mar a tha Riaghaltas na h-Alba a' moladh.
Thuirt Fear-Gairm Chomhairle nan Eilean Siar, Tormod Dòmhnallach, a bh' aig a' choinneimh, gum feum leasachadh a bhith ann aig ìre ionadail.
Tha an Riaghaltas air gealltainn nach toir na planaichean aca buaidh air an obair a tha HIE a' dèanamh.
Chaidh bruidhinn cuideachd air cuspairean leithid còmhdhail agus am bann-leathann - gnothaichean aig a bheil buaidh mhòr air sgìrean iomallach.
Tuilleadh air an sgeulachd seo
- Published
- 20 An Gearran 2017
- Published
- 26 An t-Samhain 2016