Buaidh Stoirm Caroline mu thuath

Cha chluich seo air an uidheamachd agaibh
Stoirm Caroline a' bualadh air Malaig

Tha Stoirm Caroline air buaidh a thoirt air seirbheisean còmhdhail agus air grunn mhath sgoiltean a dhùnadh sa cheann a tuath agus air an taobh siar.

Dh'fhoillsich Oifis na Sìde rabhadh orainds airson ceann a tuath agus earra thuath na h-Alba far a bheilear ag iarraidh air daoine a bhith "air am facaill".

Chuir iad rabhadh buidhe a bhith "mothachail" an sàs airson meadhan agus ceann a deas na h-Alba.

Thuirt Oifis na Side gu robh dùil gu ruigeadh neart na gaoithe 90msu ann an cuid de sgìrean.

Dh'aithris Sreapdaireachd na h-Alba gun deach usbagan de 116msu a chlàradh aig mullach a' Chàirn Ghuirm sa Mhonadh Ruadh.

Chaidh usbagan de 91msu a chlàradh aig Ionad Dhun Ratha ann an Gallaibh.

Sgoiltean

Dhùin h-uile sgoil agus sgoil-àraich anns na h-Eileanan an Iar agus chaidh mu 55 sgòil agus sgòil-àraich air Ghàidhealtachd agus dhà ann an Earra Ghàidheal a dhùnadh cuideachd.

Dhùin sgoiltean Arcaibh aig 11:30 le sgoiltean Shealtainn a' dunadh aig àm lòn.

Bidh sgòiltean Shealtainn dùinte a-màireach cuideachd.

Cha chluich seo air an uidheamachd agaibh
Luchd-obrach SSE air loidhneachan a chàradh

Chaidh cumhachd an dealain a thilleadh gu mu 3,000 dachaigh air Ghàidhealtachd agus anns na h-Eileanan a bha air a chall.

Bha mu 800 dachaigh fhathast gun dealan mu 1f.

Còmhdhail

Tha mòran seirbheisean aiseig ChalMac dheth 'son an latha, le dàil air seirbheisean eile.

Chuirear na seirbheisean aiseig a Shealtainn a-nochd dheth agus thuirt Serco Northlink gur dòcha gun deadh na seòlaidhean à Lerwick agus Obar Dheathain a chur dheth a-màireach cuideachd.

Image copyright KAREN MUNRO
Image caption Caladh Sgabastair ann an Gallaibh

Chaidh seirbheisean Aiseig a' Chorrain ann an Loch Abar a chur dheth tràth sa mhadainn, ach bha am bàt-aisgeig a' ruith a rèir a' chlàr-ama ro mheadhan là.

Chan eil seirbheisean rèile a' ruith eadar Inbhir Nis agus Obar Dheathain, Inbhir Ùige, Inbhir Theòrsa neo an Caol.

A thuilleadh air a sin cha bhi seirbheisean eadar Glaschu agus an t-Òban, an Gearasdan agus Mallaig.

Dhearbh Scotrail nach biodh iad a' cur seirbheis bus air dòigh nas motha.

Image caption Obair glanaidh ga dhèanamh ann an Inbhir Nis

Chuir Stagecoach stad air na seirbheisean acasan mu thuath.

Thugar rabhadh do choimhearsnachdan a tha mu na cladaichean ann am Moireibh gum faodadh suailichean mòra a bhith ann agus tha luchd-obrach comhairle ullaichte airson pocanan-gainmhich a thoirt do daoine.

Dh'fhoillsich Oifis na Sìde rabhadh "buidhe" 'son sneachd, deigh agus gaoth làidir Dihaoine agus Disathairne ann am mòran sgìrean den Rìoghachd Aonaichte.

Tuilleadh air an sgeulachd seo