Pàrantan deònach a dhol gu lagh

Comhairle na Gàidhealtachd

Tha pàrantan air rabhadh a thoirt gum beachdaich iad air Comhairle na Gaidhealtachd a thoirt gu lagh a thaobh phlanaichean gus taic foghlaim a ghearradh do chloinn le feumalachdan sònraichte.

Coinnichidh a' chomhairle an ath-mhìos airson am buidseat a dheasbad.

Tha iad ag ràdh gu bheil aca ris na muilleanan mòra a shàbhaladh.

Chaidh dreach phlana fhaicinn leis a' BhBC, a sheall gu bheil a' chomhairle a' meòrachadh air £3.6m a ghearradh bho bhuidseat roinn an fhoghlaim, le na ceudan de chosnaidhean a' falbh.

Tha pàrantan ag ràdh gun dèanadh na molaidhean sgrios, is gun toir iad buaidh air a h-uile sgoilear.

Thuirt iad gun tog iad fianais, is gum beachdaich iad cuideachd air Comhairle na Gàidhealtachd a thoirt gu lagh.

Thuirt a' chomhairle gu bheil iad a' feuchainn ri seirbheisean a dhìon, is nach deach co-dhùnadh sam bith a dhèanamh fhathast.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile