Tubaist mhairbhteach air an A82

Published

Chaidh fireannach, 18, a mharbhadh ann an tubaist rathaid air an A82 faisg air Inbhir Nis oidhche Dhòmhnaich.

Bha an duine a' draibheadh Renault Clio gorm a bhuail ann am Ford Galaxy airgid aig Dabhach Gairbheach goirid ro 10.30.

Chaidh boireannach a bha a' draibheadh a' Ford Galaxy a leòn ach chan eil i air a droch ghoirteachadh.

Bha an A82 dùinte aig Dabhach Gairbheach tron oidhche ach dh'fhosgail an rathad a-rithist timcheall air 07.00m.

Rannsachadh

Thuirt Poileas Alba gu bheil na smuaintean aca le teaghlach is caraidean an duine a chaill a bheatha.

Dh'iarr iad air duine sam bith a chunnaic na càraichean ron tubaist a' tighinn a bhruidhinn riutha.

Tha iad cuideachd airson cluintinn bho dhuine sam bith le dealbhan dashcam a dh'fhaodadh an cuideachadh.

Bu chòir fios a chur air na Poilis air 101 air neo tro Chrimestoppers air 080055511 is le àireamh 4681 24/02/2019 a thoirt seachad.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh