Fireannach air bàsachadh ann an tubaist le carbad quad

  • Air fhoillseachadh
Làrach na tubaisteTùs an deilbh, Andrew Smith
Fo-thiotal an deilbh,
Thachair an tubaist feasgar Dihaoine

Dhearbh Poileas Alba gu bheil fireannach air bàsachadh an dèidh tubaist le quadbike air rathad dùthchail air a' Ghàidhealtachd.

B' e Adam Reid, a bha 18.

Thachair an tubaist air Bràigh Dhochartaidh faisg air Taigh-Staile Ghleann Uais ann an Inbhir Pheofharain mu 14:45f Dihaoine.

Chaidh na seirbheisean èiginn a ghairm ach bhàsaich Mgr Reid aig làrach na tubaiste.

Bha an rathad dùinte gu 19:50f fhad 's a bha na Poilis a' rannsachadh na thachair.