Fireannach a dhìth air a' Ghàidhealtachd

  • Air fhoillseachadh
Gòrdan BuchanTùs an deilbh, Poileas Alba

Tha iomairt a' leantainn gus fireannach a tha a dhìth air a' Ghàidhealtachd a lorg.

Chaidh Gòrdan Buchan, 55, fhaicinn mu dheireadh ann an Caol Loch Aillse mu 1f Didòmhnaich.

Fhuaireadh an càr aige, Citroen C4 gorm le àireamh-chlàraidh R006 KFU, ann an Caol Àcainn san Eilean Sgitheanach às dèidh sin.

Iomagaineach

Tha na maor-chladaich agus bàtaichean-teasarginn às a' Chaol agus Port Rìgh air a bhith an sàs san iomairt gus a lorg.

Thuirt Poileas Alba gu bheil iad a' fàs gu math iomagaineach mu Mhgr Buchan.

Tha e 5′ 10″, le gruag ghoirid dhorcha a tha a' liathadh.

Nuair a chaidh fhaicinn mu dheireadh, bha dìnichean gorma air, lèine ghlas agus seacaid uaine.