Iomairt an referendum a' teannachadh

Le 10 là air fhàgail mus bhòt Alba san referendum air neo-eisimeileachd, tha an dà iomairt nas fhaisge air a chèile na bha iad a-riamh a thaobh taic an t-sluaigh.

Sheall aon chunntas-bheachd air an deireadh-sheachdain gu bheil Bu Chòir air thoiseach air Nas Fheàrr Còmhla airson a' chiad turas.

Tha na Tòraidhean, Làbaraich agus na Lib-Deamaich air an taic a chur ris a' chlàr-ama a mhol Gòrdan Brown Diluain airson cumhachdan a bharrachd do Phàrlamaid na h-Alba, ma bhòtas an dùthaich an aghaidh neo-eisimeileachd.