Ceistean mu referendum eile air neo-eisimeileachd

'S e ceistean mu referendum eile air neo-eisimeileachd na h-Alba a bha ceannardan nan ceithir pàrtaidhean as motha a' freagairt an-diugh.

Thuirt Ceannard an SNP Nicola Sturgeon gu robh coltas ann gum biodh fear ann nan tarraingeadh Breatainn a-mach às an EU.

Thuirt Ruth Davidson bho na Tòraidhean gun seasadh i san rathad air Ms Sturgeon.

A-rèir ceannard nan Lib Deamach, Willie Rennie cha do ghluais na nàiseantaich air adhart bhon referendum mu dheireadh.

Agus às dèidh beagan mhì-chinnt bho chionn beagan sheachdainnean, rinn Ceannard nan Làbarach ann an Alba, Kezia Dugdale a seasamh air a' chùis nas soilleire, mar a tha am fear-naidheachd poileataigeach againn, Darren Linc ag aithris.