सम्झनामा 'राष्ट्रमाता' विनी मन्डेला

रङ्गभेदविरुद्धको आन्दोलनमा उनले खेलेको भूमिकाका कारण विनी माडिकिजेला मन्डेलालाई दक्षिण अफ्रिकामा 'राष्ट्रमाता' भन्ने गरिन्छ।

उनका तत्कालीन पति नेल्सन मन्डेला र विनी तीन दशकसम्म रङ्गभेदविरोधी अभियानका प्रतीकका रूपमा रहे।

रङ्गभेदी शासनकालमा उनी पटकपटक पक्राउ परेकी थिइन्।

पति नेल्सनको मुक्तिका लागि उनले अमेरिकी सिनेटर लगायत धेरै अन्तर्राष्ट्रिय स्तरमा प्रतिष्ठित व्यक्तिहरूलाई भेटिन्।

उनलाई यो तस्बिरमा देखिएका १४ वर्षीय किशोर लडाकु स्टोम्पी सेइपेइको हत्याको आरोप लागेको थियो। तर विनीले त्यो आरोपको खण्डन गरेकी थिइन्।

सन् १९९६ मा नेल्सन मन्डेला कारागारबाट मुक्त भएको छ वर्षपछि विनी र उनको सम्बन्धविच्छेद भयो।

अफ्रिकी नेश्नल कंग्रेस सत्तामा आएपछि उनी सो दलमा वरिष्ठ राजनीतिज्ञका रूपमा स्थापित भइन्। तर त्यही कारणले उनी बारम्बार विवादमा पनि परिन्।

नेल्सन मन्डेलाले पद छोडेपछि पनि विनी प्रतिष्ठित सार्वजनिक व्यक्तित्वका रूपमा रहिन्। यो तस्बिरमा उनलाई खेलाडी क्यास्टर सेमेन्यालाई ढाडस दिँदै गरेको देखिन्छ।