एमाले ५५, माओवादी केन्द्र २२, कांग्रेस ११

  • 10 डिसेम्बर 2017
देउवा ओली

निर्वाचन आयोगबाट आइतवार अपरान्ह ४ बजेसम्म प्राप्त विवरण अनुसार प्रतिनिधिसभाको पहिलो हुने निर्वाचित हुनेतर्फ नेकपा एमालेका उम्मेदवार ५५ स्थानमा विजयी भएका छन्।

माओवादी केन्द्रका उम्मेदवार २२ स्थानमा विजयी भएका छन्।

नेपाली कांग्रेसका उम्मेदवार ११ स्थानमा विजयी भएका छन्।

प्रदेशसभामा पनि एमाले अगाडि

प्रधानमन्त्री शेरबहादुर देउवाले डडेल्धुरामा आफ्ना प्रतिद्वन्द्वी खगराज भट्टभन्दा झण्डै ७ हजार मत अन्तरले जितेको मुख्य निर्वाचन अधिकृत रमेशप्रसाद रिजालले बीबीसीलाई जानकारी दिए।

तर तनहुँ क्षेत्र नम्बर १ मा कांग्रेसका वरिष्ठ नेता रामचन्द्र पौडेल पराजित भएका छन्।

उनले एमालेका कृष्णकुमार श्रेष्ठभन्दा ७ हजार कम मत पाएको मुख्य निर्वाचन अधिकृत अर्जुनप्रसाद कोइरालाले जानकारी दिए।

‘रुख’को साख क-कसले जोगाउँदैछन्?

झापा-५ बाट नेकपा एमालेका अध्यक्ष केपी शर्मा ओली विजयी भएका छन्।

ओलीले ५७,१३९ मत पाएका छन् भने उनका प्रतिद्वन्द्वी खगेन्द्र अधिकारीले २८,२९७ मत ल्याएको निर्वाचन आयोगले जनाएको छ।

संघीय समाजवादी फोरम नेपालका उम्मेदवारले ४ स्थानमा जितेका छन्।

राष्ट्रिय जनता पार्टी नेपालले ३ स्थानमा जितेको छ।

अन्य दलका उम्मेदवारले ३ स्थानमा जितेका छन्।

अग्रता

अपरान्ह ४ बजेसम्म नेकपा एमालेका उम्मेदवार २२ स्थानमा अगाडि छन् भने माओवादी केन्द्रका १३ उम्मेदवार अग्रस्थानमा रहेको निर्वाचन आयोगले जनाएको छ।

नेपाली कांग्रेसका उम्मेदवार १३ स्थानमा अगाडि देखिएका छन्।

राजपा नेपाल ८ र संघीय समाजवादी फोरम नेपाल ७ स्थानमा अगाडि रहेका छन्।

अन्य दलका उम्मेदवार २ स्थानमा अगाडि छन्।