म्यानमार: ‘सामूहिक चिहानका विवरणमा जातीय सफायाको संकेत’

  • 1 फेब्रुअरी 2018
शरणार्थी तस्वीर कपीराइट AFP
Image caption म्यानमारबाट भागेर लाखौं रोहिंज्याहरु बांग्लादेश पुगेका छन्

संयुक्त राष्ट्रसंघका एकजना वरिष्ठ अधिकारीले म्यानमारमा सयौं रोहिंज्या मुसलमानहरुको शव रहेका सामूहिक चिहानबारेका विवरणमा जातीय संहारको लक्षण देखिएको बताएकी छन्।

म्यानमारकालागि राष्ट्रसंघका विशेष दूत याङही लीले चिहानबारे समाचार संस्था एपीले प्रकाशित गरेको विवरणमाथि अनुसन्धान गरिनुपर्ने उल्लेख गरेकी छन्।

हजारौं रोहिंज्या “एक महिनामा मारिए”

रोहिंज्या संकटः राष्ट्रसंघमाथि प्रश्न

एपीले गत अगस्टमा भएको सैन्य आक्रमणको समयमा रखाईन राज्यको गु दर पीएनमा नरसंहार भएको प्रमाण भेटिएको जनाएको छ।

भूउपग्रहबाट खिचिएका फोटोहरुलाई भिडिओ फुटेजसँग तुलना गर्दा अनि भागेर छिमेकी देश बांग्लादेश पुगेका स्थानीयबासिन्दाहरुसंग कुराकानी गर्दा ती चिहानमा ४ सयभन्दा बढीको शव हुन सक्ने एपीले जनाएको छ।

"सेनाले गाउँमा आक्रमण गरे, सबैलाई गोली हाने र घरहरु जलाई दिए," बाँचेका मानिसले एपीलाई भनेका छन्।

म्यानमारको सरकारले सामूहिक हत्या बारेको उक्त प्रतिवेदन अस्वीकार गरेको छ।

तपाईंको उपकरणमा मिडिया प्लेब्याक सपोर्ट छैन
कसले जलाउँदैछन् रोहिंज्या बस्ती?