अमेरिकी शेयर मूल्यमा ‘कीर्तिमानी गिरावट’

  • 6 फेब्रुअरी 2018
शेयर तस्वीर कपीराइट Getty Images

अमेरिकी शेयर मूल्यमा एक दशकअघिको आर्थिक संकटयताकै एक दिनमा सबैभन्दा ठूलो गिरावट आएको छ।

शेयर मूल्यमा ११ सयभन्दा बढी अंकले गिरावट आएको विवरणहरूमा उल्लेख छ।

४.६ प्रतिशतको गिरावटसहित डाऊ जोन्सको सोमवारको कारोबार बन्द भएको छ।

शुक्रवार अमेरिकी श्रम मन्त्रालयले रोजगारीको संख्या सार्वजनिक गरेको थियो जसले अपेक्षा गरिएभन्दा बढी तलबमा वृद्धि हुने देखाएको थियो।

ट्रम्पद्वारा 'भक्षक शैली'को व्यापारको आलोचना

मुद्रास्फिति

त्यसपछि कम मूल्यमा शेयर विक्री बढेको हो।

तलबमा वृद्धि भए मानिसहरूले बढी खर्च गर्ने र त्यसले मुद्रास्फिति बढ्ने अपेक्षा गरिएको छ।

शेयरको मूल्यको आकलन बढी गरिएको चिन्ताका माझ महिनौँदेखि बजारमा भएको वृद्धिपछि पछिल्लो गिरावट आएको हो।

ह्वाइट हाउसका एकजना प्रवक्ताले शेयर बजारमा बेलाबखत उथलपुलथ हुन सक्ने बताएका छन्।

तर उनका अनुसार राष्ट्रपति डोनल्ड ट्रम्पले देशको दीर्घकालीन आर्थिक अवस्थामा ध्यान केन्द्रित गरेका छन् जुन अपवादको रूपमा बलियो रहेको छ।

अमेरिकी संघीय निकायहरु बन्दले पार्‍यो प्रभाव

चिन्तित

ह्वाइट हाउसले भनेको छ, "शेयर मूल्यमा गिरावट आउँदा हामी सधैँ चिन्तित हुने गर्छौँ। तर हामी आर्थिक अवस्थाप्रति ढुक्क छौँ।"

शेयर मूल्यमा देखिएको गिरावटले यसअघि सन् २००८ मा भएको गिरावटलाई उछिनेको छ।

सन् २००८ को आर्थिक संकटका बेला ७७७.६८ अंकले शेयर मूल्यमा गिरावट भएको थियो।

प्रतिशतको हिसाबले सन् २०११ को अगष्टमा अमेरिकी शेयर मूल्यमा भएको गिरावटयताकै यो सबैभन्दा धेरै हो।