दुर्घटनाग्रस्त विमानको भग्नावशेषको खोजी

  • 12 फेब्रुअरी 2018
विमान तस्वीर कपीराइट Reuters

रूसका आपत्‌कालीन उद्धारकर्ताहरूले उडान शुरू भएको केही मिनेटभित्रै दुर्घटनाग्रस्त भएको एउटा रूसी विमानको भग्नावशेषहरूको मस्कोको बाहिरी भेगमा अवस्थित हिमपात प्रभावित क्षेत्रमा खोजी गरिरहेका छन्।

उक्त विमानमा सवार चालकदलका ६ सदस्य र यात्रु गरी ७१ जनाको मृत्यु भएको थियो।

दुर्गम क्षेत्रमा विमान दुर्घटना भएकाले उद्धारकर्ताहरू पैदलमार्गबाट घटनास्थल पुगेका थिए।

दक्षिण रूसको ओर्स्कतर्फ उड्ने क्रममा उसले आपत्‌कालीन अपिल भने जारी गरेको थिए।

अनुसन्धान

तस्वीर कपीराइट Reuters

कतिपय प्रत्यक्षदर्शीले विमान आकाशमा नै टुक्रिएको जनाएका छन्।

रूसी विमान दुर्घटना: सवार सबै ७१ जनाको मृत्यु

अन्यले आगोको लप्का देखेको वा विस्फोटन भएको उल्लेख गरेका छन्।

खोजकर्ताहरूले दुर्घटनाग्रस्त विमानको ककपिट भोइस रेकर्डर फेला पारेका छन्।

अनुसन्धानकर्ताहरूले मानवीय त्रुटि वा खराब मौसम उक्त दुर्घटनाको कारक हुनसक्ने जनाएका छन्।

उनीहरूले आतंकवादलाई भने कारणका रुपमा उल्लेख गरेका छैनन्।