अफगानिस्तान: 'तालिवान हमलामा २५ जनाको मृत्यु'

  • 24 फेब्रुअरी 2018
तालिवान लडाकु
Image caption तालिवान लडाकुहरू (फाइल तस्बिर)

अफगान अधिकारीहरूले सन्दिग्ध तालिवान लडाकुहरूले गरेको शृङ्खलाबद्ध हमलामा २५ जनाभन्दा बढीको ज्यान गएको बताएका छन्।

एउटा पश्चिमी प्रान्तको सैनिक चौकीमा विद्रोहीहरूले गएराति हमला गर्दा कम्तीमा दुई सैनिकको ज्यान गएको उनीहरूले जनाएका छन्।

राजधानी काबुलमा भएको आत्माघाती बम हमलामा चाहिँ कम्तीमा तीन सुरक्षाकर्मीको ज्यान गएको छ।

उक्त घटना काबुलको कूटनीतिक क्षेत्रमा भएको थियो।

अफगानिस्तान: काबुल शवयात्रामा बम विस्फोट

थप आक्रमण

हेलमन्द प्रान्तमा भएको अर्को आक्रमणमा चाहिँ दुई जना सुरक्षाकर्मी मारिएका छन्।

अफगानिस्तानको टिभी स्टेशनमा हमला

एक जना लडाकुले विस्फोटक पदार्थले भरिएको सवारी साधन एउटा सुरक्षा जाँचचौकीमा लगेर ठोक्काएको थियो।

हेलमन्दमै अर्को आक्रमण भएको विवरणहरूमा जनाइएको छ।

उक्त आक्रमणमा कैयौं सुरक्षाकर्मीको ज्यान गएको ठानिएको छ।

सम्बन्धित सामग्री