‘बोक्सी’ भन्दै कुट्नेविरुद्ध प्रहरीमा उजुरी

  • 10 मार्च 2018
महिला हिंसा

कैलालीमा तथाकथित बोक्सीको आरोपमा कुटिएकी एक युवतीको परिवारले शनिवार धनगढीस्थित जिल्ला प्रहरी कार्यालयमा पीडकविरुद्ध उजुरी दिएको अधिकारीहरुले जनाएका छन्।

घोडाघोडी नगरपालिकाकी ती १८ वर्षिया युवतीमाथि भएको कुटपिटमा संलग्न रहेको अभियोगमा रामबहादुर चौधरीलाई प्रहरीले शुक्रवार पक्राउ गरिसकेको छ।

ती किशोरी अहिले उपचारका लागि धनगढीमा छिन् र उनको अवस्था खतरामुक्त रहेको बताइएको छ।

आसाममा बोक्सीको आरोपमा महिलाको हत्या

कारबाही

जिल्ला प्रहरी कार्यालयका प्रहरी उपरिक्षक विनोद घिमिरेका अनुसार उक्त घटनामा आइतवारबाट कानुनी कारबाही अगाडि बढ्नेछ।

यसअघि इलाका प्रहरी कार्यालय सुखडले उक्त घटनामा उजुरी दर्ता गर्न नमानेको हाम्रा धनगढी संवाददाता उमीद बागचन्दले जनाएका छन्।

युवतीलाई लगातार पाँच घण्टासम्म कुटपिट र लछारपछार गरिएको थियो।

तर स्थानीय बासिन्दाले 'रमिते' बनेर बसेको पीडित परिवारले बताएका छन्।

सम्बन्धित सामग्री