श्रीलंका: फेसबुकको प्रतिबन्ध फुकुवा

  • 15 मार्च 2018
फेसबुक बन्द तस्वीर कपीराइट Reuters

श्रीलंकाका राष्ट्रपति मैत्रिपाल सिरिसेनाले मार्च महिनाको सुरुतिर हिंसा भड्किएपछि सामाजिक सञ्जाल फेसबुकमाथि लगाइएको प्रतिबन्ध हटाएका छन्।

राष्ट्रपति सिरिसेनाका अनुसार फेसबुकका अधिकारीहरूले फेसबुकमा घृणा फैलाउने र हिंसाका लागि उत्तेजना जगाउने खालका सामग्रीहरू आउन नदिने सहमति जनाएका छन्।

तस्वीर कपीराइट AFP
Image caption हिंसा फैलिएपछि क्यान्डी सहरमा संकटकाल घोषणा गरिएको थियो

बौद्धमार्गी सिंहला समुदायको बाहुल्य रहेको क्यान्डी सहरमा मुसलमानहरूमाथि आक्रमण भएपछि फेसबुकमाथि प्रतिबन्ध लगाइएको थियो।

ती हिंसात्मक घटनाहरूमा मस्जिद र मुसलमानहरूको स्वामित्व रहेका पसलहरूमा नराम्रो क्षति पुगेको थियो।

ह्वाट्स्याप लगायत अन्य सामाजिक सञ्जालहरूमाथि लागेको प्रतिबन्ध भने बुधवार नै हटाइएको थियो।

सम्बन्धित सामग्री