दोस्रो कार्यकालका लागि सी अनुमोदित

  • 17 मार्च 2018
चिनियाँ तस्वीर कपीराइट AFP/Getty Images

चिनियाँ संसद्ले राष्ट्रपति सी जिनपिङलाई दोस्रो पाँच वर्षे कार्यकालका लागि सर्वसम्मतिले अनुमोदन गरेको छ।

संसद्ले सीका एकजना निकटवर्ती र भ्रष्टाचारविरोधी पूर्वअधिकारी वाङ चिसानलाई उपराष्ट्रपतिमा नियुक्त गरेको छ।

बेइजिङस्थित ग्रेट हल अफ दि पिपुलमा मतदान भएको थियो।

गत हप्ता चिनियाँ संसद्ले राष्ट्रपतिको कार्यकालसम्बन्धी सीमा संविधानबाट हटाउने पक्षमा मतदान गरेको थियो।

चीनः सी जिनपिङको वर्चस्व कहिलेसम्म?

चीन: राष्ट्रपतीय कार्यकालको सीमा हट्यो

अनन्तकाल

त्यसको अर्थ राष्ट्रपति सी अनन्तकालसम्म सत्तामा रहन सक्छन्।

चीनले सन् १९९० को दशकमा राष्ट्रपति पदमा बहाल रहने समयसीमा दुई कार्यकालका लागि तय गरेको थियो।

तस्वीर कपीराइट Reuters

राष्ट्रपति सीले आफ्ना सम्भावित उत्ताराधिकारी प्रस्तुत गर्ने प्रचलन गत अक्टोबरमा बसेको कम्युनिष्ट पार्टीको महाधिवेशनमा तोडिदिएका थिए।

त्यसको सट्टा उनले राजनीतिक शक्ति आफूमा केन्द्रित गरेका थिए र पार्टीको विधानमा आफ्नो नामसहितको राजनीतिक विचारधारा लेखाउन उनी सफल भएका थिए।

सम्बन्धित सामग्री