‘धरान-चतरा वैकल्पिक मार्ग द्रुत गतिमा बन्दै’

  • 14 अक्टोबर 2016
तस्वीर कपीराइट .
Image caption निर्माण सम्पन्न भएपछि यो मार्गले सो क्षेत्रमा विकासका साथै विकल्प दिने बताइएको छ।

भित्री मधेश क्षेत्रका चारवटा जिल्ला सुनसरी, उदयपुर, सिन्धुली र मकवानपुर जिल्लाको आर्थिक विकास तीव्र पार्न तथा वैकल्पिक मार्गको स्थापना गर्न धरान-चतरा-कटारी-गार्इघाट-हेटौडा सडक विस्तारको काम द्रुत गतिमा भइरहेको छ।

७५ वटा पुल अनि अढाइ सय किलोमिटर कालोपत्रे गर्न बाँकी रहेको अधिकारीहरुको भनाइ छ।

सरकारले उच्च प्राथमिकतामा राखेको यो सडक तीन वर्ष भित्र निर्माण गरिसक्ने लक्ष्य छ।

उच्च प्राथमिकता

आयोजनाका अनुसार यी चार जिल्लालार्इ औध्योगिक करिडोरको रुपमा समेत विकास गर्ने सरकारको योजना रहेको छ।

गत वर्ष मन्त्रिपरिषदको निर्णयवाट यो सडकलार्इ सरकारले उच्च प्राथमिकतामा राखेर निर्माण कार्य थालिएको धरान-चतरा-कटारी-गार्इघाट-हेटौडा आयोजनाका निर्देशक गोपाल प्रसाद सिग्देलले बताएका छन्।

आठ वर्ष अघि सप्तकोशी नदीको पूर्वी तटबन्ध भत्किएर बाढीले पूर्व पश्चिम राजमार्ग भत्काउँदा करिब तीन महिना भन्दा बढि समय सडक अवरुद्ध भएको थियो।

त्यतिबेला वैकल्पिक मार्ग नभएका कारण पश्चिमी जिल्ला र काठमाडौ पुग्न भारतको बाटो प्रयोग गरिएको थियो। त्यहि कठिन परिस्थितिलार्इ ध्यानमा राखेर सरकारले वैकल्पिक मार्गको रुपमा धरान-चतरा-कटारी-गार्इघाट-हेटौडा सडक विस्तार गर्ने निर्णय गरेको हो।

यो सडक तीन वर्ष भित्रमा निर्माण गर्ने लक्ष्य राखेको आयोजनाका निर्देशक गोपाल प्रसाद सिग्देलले जानकारी दिएका छन्।

उनले भने, "३१८ किलोमिटर मध्ये २५० किलोमिटर दोहोरो लेनको कालोपत्रे गर्न बाँकी छ। यस खण्डमा ७५ वटा पुलहरु निर्माण गर्न बाँकी छन्। लागत अनुमान करिब अठार अर्ब रुपियाँको छ।"

कृषि र पर्यटन

धरान-चतरा-कटारी-गार्इघाट-हेटौडा सडक अन्तर्गत सप्तकोशीमा पुल निर्माण भर्इसकेको छ। ठूला नदी कमला र वागमतीमा पनि पुल निर्माण कार्य भइरहेको छ।

अढाइ सय किलोमिटर कालोपत्रे बनाउन ठेक्का आह्वान गरिएको वताइएको छ।

चतरा देखि विरेन्द्रचोक अनि धरान चतरा कालोपत्रे भइरहेको सिग्देलले जानकारी दिए। सिग्देलका अनुसार भित्री मधेशका बिचको क्षेत्र सुनसरी, उदयपुर ,सिन्धुली र मकवानपुरलार्इ आर्थिक करिडोरको रुपमा विकास गर्ने सरकारको लक्ष्य छ।

कृषिमा उर्वर मानिएका यी क्षेत्रमा बाटोको विकासले कृषिका साथै पर्यटनमा मद्दत पुग्ने ठानिएको छ।

धरानको भोटेपुल देखि करिब ४ सय मिटर जति उत्तर धनकुटे रोडलार्इ शून्य मानेर धरान-चतरा-कटारी-गार्इघाट सडक शुरु हुन्छ।

सडकको केन्द्रबाट १५/१५ मिटर चौडाइको रहने सडक विस्तार गरिएमा धरान नगरमा दायाँबायाँका करिब दुई सय जति घर भत्किने भएपछि धरानवासीले सडकलार्इ नगरको दक्षिण क्षेत्रमा रहेको तीनकुनेको जंगलबाट लैजान अनुरोध गरिरहेको पूर्वान्चल क्षेत्रिय सडक निर्देशनालय दमकका निर्देशक शिवहरी सापकोटाले बताए।

सापकोटाका अनुसार यस विषयमा आयोजनाले अध्ययन गर्नेछ।

धरान-चतरा-कटारी-गार्इघाट-हेटौडा सडक पूर्व पश्चिम राजमार्ग तथा मध्यपहाडी राजमार्गसंग पनि जोडिन्छ।

भविष्यमा आइपर्न सक्ने कुनै पनि किसिमको समस्याबाट हालको राजमार्ग अवरुद्ध भएमा यो सडकले पूर्व पश्चिम आवतजावतमा समेत सजिलो हुने वताइएको छ