BBC Pashto کور پاڼه

د افغانستان اسلامي حزب مشر ګلبدین حکمتیار ادعا کړې چې له اسلامي جمعیت ګوند پرته د افغانستان نور اغیز لرونکي سیاسي کوندونه راتلونکو ولسمشریزو ټاکنو لپاره پر یوه نوماند سلا شوي. خو له وحدت ګوند پرته نورو ګوندونو تر اوسه دا خبره نه ده تائید کړې.

د پښتون ژغورنې غورځنګ یو مخکښ محسن دوړ د طاهر دوړ له کورنۍ او يوشمېر نورو قبایلي مشرانو سره تورخم ته ورغلی او دا مړی يې ترلاسه کړی دی، خو د محسن داوړ په خبره کله چې يې د پولیسو د یاد افسر مړی تر کرښې را واړاوه، پاکستانيو چارواکو ورڅخه په زوره یووړ.

امریکا کې اېن بي سي خبري چینل وايي، سپینه ماڼۍ د ترکیې د حکومت نظر جلبولو او د جمال خاشقجي دوسیه کې پر سعودي د فشار کمولو لپاره د فتح الله ګولن سپارل ارزوي. نوموړی ترکیه کې پر ناکامه کودتا پلانولو تورن دی او له نږدې دوو لسیزو راهیسې متحده ایالتونو کې اوسي.

د پاکستان کرېکټ ملي لوبډلې پخواني لوبډلمشر شاهد خان اپریدي هغو څرګندونو چې د کشمیر پر موضوع یې کړې یوه غوغا جوړه کړې. شاهد اپریدي وړاندیز کړی و، چې کشمیر د هند یا پاکستان برخه کېدو پر ځای باید ځانګړی هېواد شي.

څېړنې ښيي چې د ګرمۍ څپې د خځندو سپرم زیانمنوي او ان شنډولی یې شي. پوهانو یوه ازمېښتځي کې- چې د ګرمۍ څپو ته مخامخ جوړ شوی و- ګونګټې ټولې کړې وې او له ازموینو وروسته مالومه شوه چې د ګونګټانو(نارینه ګونګټو) د مېندوارولو قوت کم شوی دی.

د اوبو د ښه مدیریت او په دې اړه د ستونزو د کمولو لپاره، افغانستان ته پکار ده چې له خپلو ګاونډیانو سره د اوبو د ستونزو په حل پیل وکړي، چې په راتلونکي کې یې ستونزې کمې شي او په نورو مهمو ملي او نړیوالو مسایلو باندې تمرکز ته لار پرانستل شي.

ډېرو خلکو لپاره ان یو څو ساعته د انټرنېټ نشتوالی یو لویه ستونزه ښکاري، خو که انټرنیټ نه وي، نو اغېز به یې هغسې نه وي لکه چې تاسو یې انتظار کوئ.

علامه محمد اقبال د دکتورا اخیستو لپاره جرمني ته تللی و او هلته د ښایسته ایما ویګي ناسټ په عشق کې داسې ډوب شو، چې تر پایه یې په شاعرۍ کې څرک وینو.