کابل کې ځانمرګی بريد

کابل کې ځانمرګی بريد

افغان پلازمېنه کې یوه ځانمرګي بريد ګر د يوه شيعه جومات دننه ۲۷ کسان وژلي دي.

بريد چې د کابل لوېديځ باقر العلوم جومات کې شوی، د راپورونو له مخې په کې ۳۵ تنه نور هم ټپيان شوي دي.

د پېښې پړه داعش ډلې پر غاړه اخيستې ده.

بريد هغه مهال شوی چې جومات کې د امام حسين مړينې د ورځې څلوښتۍ ياد لمانځل کېده.

افغان ولسمشرۍ ماڼۍ يوه اعلاميه کې بريد غندلی او دا پېښه یې ټولنه کې د درز اچولو هڅه بللې ده.