کرېکټ پايلوبه: افغانستان پاکستان ته ۲۴۹ مڼدې هدف وټاکه

په دې سیالیو کې افغانستان نیپال ته په ماتې ور کولو سره پایلوبې ته ووت. د انځور حقوق ACB
Image caption په دې سیالیو کې افغانستان نیپال ته په ماتې ور کولو سره پایلوبې ته ووت.

د افغانستان د کرېکټ ۱۹ کلنې لوبډلې په مالیزیا کې د اسیا کپ روانو اتلولیو پایلوبه کې پاکستان ته د ۲۴۹ منډو هدف وټاکه.

لوبه د یکشنبې په ورځ پیل شوه، له پچې اچولو سره افغان لوبغاړو توپوهنه او سیالې لوبډلې یې توپ اچونه پیل کړه.

افغان لوبډلې د ۷ لوبغاړو په سوځېدو سره په ۵۰ اوره لوبه کې ۲۴۸ منډې جوړې کړې.

په افغان لوبغاړو کې اکرام علي خېل د ۱۰۷ منډو په جوړولو سره سلیزه وکړه او ښه وځلېد.

رحمن الله ګوربز ۴۰، ابراهیم ځدراڼ ۳۶ او درویش رسولي ۱۸ منډې وکړې.

په دې سیالیو کې افغانستان نیپال ته په ماتې ور کولو سره پایلوبې ته ووت.

کرېکټ: د افغانستان او پاکستان پايلوبه به د چا په برخه شي؟

''د افغان ۱۹ کلنو کرېکټ لوبډلې په مقابل کې د پاکستانۍ لوبډلې ماتې نه شم هضمولای''

افغانستان د کرېکټ غوره لیګ سیالۍ پېلوي

محمد موسی ۳ ویکټې واخیستې او شاهین شاه افریدي ۲

له هغه مخکې افغان لوبډلې خپله لومړۍ لوبه له پاکستانه ګټلې، دویمه یې سري لانکا ته بایلوده، خو درېیمه یې له اماراتو په لوی توپیر وګټله.

د افغانستان لپاره د اسیا جام پایلوبې ته وتل هم تاریخي بری دی، ځکه لومړی ځل دی چې افغانستان د دغه اتلولیو پایلوبې ته وتلی.

ورته مطالب