کرېکټ غوره لیګ: کابل کندهار، بلخ ننګرهار ته ماته ورکړه

کرېکټ د انځور حقوق AFGHAN CRICKET BOARD

د افغانستان د کرېکټ غوره لیګ سیالیو کې چې په شارجه ښار کې روانې دي،‌ د پنجشنبې پر ورځ دوه لوبې وشوې.

بلخ لوبډلې ننګرهار ته په ۲۵ منډو ماته ورکړه. خو د کابل ځوانانو او کندهار ترمنځ لوبه ډېره سخته وه او په پای کې کابل لوبډلې یوازې په ۲ منډو دا لوبه وګټله.

ننګرهار د خپلې لوبې پچه وګټله او بلخ ته یې د منډو جوړولو بلنه ورکړه.

بلخ خپلو ۲۰ اورونو کې ۱۴۳ منډې وکړې.

ډوسچاټ ۳۵ او مونرو ۳۳ منډې وکړې.

په ځواب کې د ننګرهار ټوله لوبډله په وروستي‌ اور کې یوازې په ۱۱۸ منډو وسوخېده.

میروس اشرف د بلخ لپاره ۴ وېکټې واخیستې او د لوبې غوره لوبغاړی ونومول شو.

د انځور حقوق ACB
Image caption کابل ځوانانو په ۴ لوبو کې ۳ ګټلې دي

له دې مخکې د افغانستان د کرېکټ غوره لیګ سیالیو په اتمه لوبه کې د پنجشنبې پر ورځ کابل ځوانانو کندهار لوبډلې ته په ۲ منډو ماته ورکړه.

د لوبې پچه کندهار وګټله او کابل ته یې د منډو جوړولو بلنه ورکړه. د کابل لوبډلې په خپلو ۲۰ اورونو کې په ۶ وېکټو ۱۷۳ منډې جوړې کړې.

د کابل ځوانانو لپاره اېونز ۵۷، جاوېد احمدي ۳۹ او شاهدالله ۳۳ منډې وکړې. د کندهار لپاره سید شېرزاد ۳ او کریم جنت ۲ وېکټې واخیستې.

د انځور حقوق ACB
Image caption کپتان اصغر افغان د کندهار لپاره ۵۲ منډې وکړې

په ځواب کې د کندهار لوبډلې خپله پاڼۍ ښه پيل نه کړه او د سر دوه توپ وهونکي یې په اسانۍ وسوځېدل.

کریم صادق په ۶ منډو او پاول سټرلېنګ په صفر وسوځېد.

که څه هم کپتان اصغر افغان پنځوسیزه پوره کړه او وېسلز هم ۴۶ مندې وکړې، خو د دوی هڅې د بري لپاره کافي نه وې.

په وروستي اور کې د کندهار لوبډلې د بري لپاره ۱۵ منډې پکار وې، خو یوازې ۱۲ منډې یې وکړای شوې.

په دې توګه کابل ځوانانو دا لوبه په ۲ منډو وګټله.

شاهد الله د ۳۳ منډو او ۲ وېکټو له کبله د لوبې غوره لوبغاړی ونومول شو.

اړونده مطالب

ورته مطالب