د چاکلېټ ونې 'پنځه زره کلن تاریخ'

د انځور حقوق Getty Images
Image caption چاکلېټ د ککو له پوډو او غوړیو جوړېږي.

چاکلېټ له هغه ډېر اوږد تاریخ لري، چې فکر یې کېږي.

د بوټپوهنې یا ګیاه پيژندنې نوې نښې ښيي؛ د ککو ونه- چې له میوې یې چاکلیت جوړېږي- څه باندې پنځه زره کاله مخکې په امازون ځنګلونو کې کرل شوې ده.

او له میوې به یې د خوړو په پار ګټه اخیستل کېده.

* د زړه ناروغۍ خطر کمولو سره د چاکلېټو تړاو

* "تا زموږ پیسې وخوړې موږ ستا چاکلېټ خورو"

* د لومړۍ نړیوالې جګړې د یوه پوځي ۱۰۳ کلن چاکلېټ

لرغونو لوښو کې کیمیايي پاتې شونې ډاګیزوي چې د اوسني ایکوادور ځايي خلکو ککو د خوراک، درملو او څښاک په توکه کارول.

له دې مخکې داسې ګومان کېده چې ککو اول ځل ۳۵۰۰ کاله مخکې منځنۍ امریکا کې موندل شوی.

د کاناډا کې برېټیش کولمبیا پوهنتون کې د دې څېړنې یوه ګډونوال پوهاند مایکل بلیک د بي بي سي خبریال هلن بریګز ته ویلی:"مخکینۍ نښې په مکسیکو او منځنۍ امریکا کې موندل شوې وې "

د ککو ونې په اړه څو ټکي

د انځور حقوق Getty Images
Image caption د ککو ونه اصل کې ایکوادور کې کرل شوې ده.
  • په طبیعي شکل مرطوبو او استوايي ځنګلونو کې شنې کېږي. اصلي سیمې یې مکسیکو، منځنۍ امریکا او د سویلي امریکا شمالي سیمې دي.
  • میوه یې داسې دانې لري چې تر وچېدو وروسته د ککو پوډر ترې جوړوي.
  • چاکلېټ د ککو له پوډرو او د ککو له کوچو یا غوړویو- چې دا غوړ هم له خمیره شویو دانو برابرېږي.
  • د ککو حاصلات په درمل جوړولو او د پټوکي/ پستوکي ساتلو لپاره ګټه کارول کېږي.
  • په ۲۰۰۸ او ۲۰۰۹ کلونو کې د نړۍ په کچه درې میلونه او ۵۱۵ زره تنه ککو تولید شوي وو.

سرچینه: کیو ساینس

د انځور حقوق Francisco Valdez
Image caption له دې لوښو ترلاسه شوي کیمیايي پاتې شوني ښيي چکلېټ له پنځو زرو کلونو پخوانی دی.

څېړونکو د ایکوادور په لوړو کې له سانتا انا سیمې تر لاسه شوي سفالي لوښو له څېړنو دا موندلې چې له ۵۳۰۰ تر ۲۱۰۰ کلونو پخوا دغو سیمو کې ژوند کېده.

د دې لوښو څخه د ډي اېن اې څېړنې ښيي چې د ککو ونو اصلي ځای امازون ځنګلونه ړي.

د ککو ونه هم لومړي ځل همدې سیمو کې شنه شوې ده.

پوهاند بلیک وايي، دا څېړنه د دې ونې د زیږیدو د ځای ارزښت زیاتوي.

نیچر علمي مجله کې ددې څېړنې پایلې خپرې شوې دي.