افغان ټاکنې: د کابل رایې له سره شمېرل کېږي

ټاکنې
Image caption وړاندې د ټاکنو خپلواک کمیسیون ویلي وو، چې د ۱۲ ولایتونو رایې به بیا شمېري

د افغانستان ټاکنو خپلواک کمیسیون چارواکي وایي، د کابل ولایت ټولې رایې به بېرته له سره شمېرل کېږي. کمیسیون د رایو بیا شمېرلو لامل د ټاکنو پر ورځو د رایه اچونې مرکزونو پر وخت نه پرانیستل کېدل، د بایومټرېک الاتو خرابي او د دغه ولایت په ټاکنو کې د درغلیو ادعاوې یادې کړې دي.

مخکې د ټاکنیزو شکایتونو کمیسیون پرېکړه کړې وه چې د رایې اچونې د ټولو هغو مرکزونو رایي دې له سره وشمېرل شي چې د درغلیو په اړه یې جدي شکایتونه شوي و.

فیفا یا د ازادو او عادلانه ټاکنو بنسټ د ټاکنو کمیسیون د دې پرېکړي هرکلي کړی دی.

افغان ټاکنې: د ابتدایي پایلو اعلان وځنډول شو

افغان ټاکنې؛ د پخوانیو او اوسنیو چارواکو ترمنځ نوی فیسبوکي جنجال

یوناما: تېرې افغان ټاکنې تر ټولو خونړۍ وې

د افغانستان ټاکنو خپلواک کمیسیون مشر عبدالبدیع صیاد یوې خبرې غونډې ته وویل، له کابل سره - سره به د هر هغه ولایت رایې چې د رایو د تور او سپین په اړه یې جدي پوښتنې راولاړې شي، له سره شمېرل کېږي.

بل لور ته د افغان ټاکنو څار بنسټونو هم د ټاکنو خپلواک کمیسیون د یادې پرېکړي هرکلی کړی دی.

د فیفا یا ازادو او عادلانه ټاکنو بنسټ مشر یوسف رشید وايي دویمي ورځي ته د ولسې جرګې ټاکنو غځول، د دې لامل شول چې څارونکي و نه شي کړای، په سمه توګه دغه بهیر وڅاري.

ښاغلي رشید وايي د ۱۱ ولایتونو د رایو د باور به تړاو شکایتونه وو، خو په خبره یې د کابل رایو په هکله شکونه او شکایتونو ډېر وو.

د انځور حقوق Getty Images
Image caption د ولسي جرګې د تېرو ټاکنو لومړنۍ پایلي باید د روانې لړم پر ۱۹ مه اعلان شوې وای

د افغانستان ټاکنو قانون له مخې د ولسي جرګې د تېرو ټاکنو لومړنۍ پایلي باید د روانې لړم پر ۱۹ مه اعلان شوې وای، خو ټاکنو کمیسیون دا پایلې د را روانې لیندۍ میاشتې دویمې ته ځنډولې او یوازې د کابل رایو لومړنۍ پایلې به د لیندۍ پر لسمه اعلان شي.

په ورته وخت کې دغه کمیسیون اعلان وکړ چې د راتلونکو ولسمشریزو ټاکنو مهال وېش به دوې ورځې وروسته اعلان کړي.

د انځور حقوق Getty Images
Image caption فیفا یا د ازادو او عادلانه ټاکنو بنسټ د ټاکنو کمیسیون د دې پرېکړي هرکلي کړی دی.

ورته مطالب