د افغانستان ټاکنو کمېسیون بهرني سلاکاران؛ څوک دي او څه واکونه لري؟

ټاکنې د انځور حقوق IEC
Image caption د ټاکنو خپلواک کمیسیون نوي بهرني سلاکاران اغلې الینا او حمد اسحاق احسن

ټاکل شوې نن (سه شنبه، غبرګولی ۷مه/مې ۲۸مه) دوه بهرنیان د افغانستان د ټاکنو په خپلواک کمېسیون کې د کمېشنرانو په توګه رسماً خپلې دندې پیل کړې.

د ټاکنو خپلواک کمیسیون وایي، دغه دوه بهرني کمېشنران مېرمن الوینا او احمد اسحاق احسن د ټاکنو د نوي قانون له مخې او د ولسمشر اشرف غني په حکم سره دې کمیسیون ته معرفي شوي دي.

د دغه کمیسیون په خبره، معرفي شوي بهرني کمېشنران به د ۷ افغان کمېشنرانو ترڅنګ د کمېسیون په ټولو پرېکړو کې د خپل نظر او مشورو ورکولو حق ولري، خو د پرېکړې په نیولو کې د رای ورکول حق نه لري.

د ټاکنو د خپلواک کمېسیون مرستیال ویاند میرزا محمد حقپرست وايي، دغه کمېشنران د ملګرو ملتونو د استازولۍ دفتر یا یوناما له خوا ولسمشر ته معرفي کېږي او د ولسمشر له حکم سره دوی ټاکنو کمېسیون کې کار پیلوي.

"په غزني کې ولسي جرګې ته ټاکنې په حوزوي بڼه کېږي"

د ولسي جرګې د مشر ټاکنې پر سر روانې ناندرۍ

د ولسي جرګې ټاکنې؛ د کابل ولایت پایلې رسماً اعلان شوې

دده په وینا، دغه کسان تېره ورځ د ټاکنو خپلواک کمېسیون ته ورپېژندل شوي او د ویاند په خبره نن ټاکل شوې خپل کار رسماً پیل کړي:

"ددوی تخصص، ددوی تجربه او نظر به په ټولو برخو کې شامل وي، خو د پرېکړو په کولو کې د رایې حق نه لري او بل سهولت به د نړیوالې ټولنې او د ټاکنو کمېسیون ترمنځ د یوې ښې همغږۍ جوړول وي".

دده په خبره ددې کسانو د ګمارلو او ورته د نوي قانون جوړلو یو هدف دا دی چې راتلونکې ټاکنې لا نورې رڼې او له درغلۍ نه پاکې وي.

د انځور حقوق Getty Images
Image caption ټاکل شوې افغانستان کې د تلې په ۶مه ولسمشرۍ ټاکنې وشي.

ښاغلی حقپرست وايي ددوی په ګمارلو به په ټاکنو کې د نړیوالې تولنې نظر هم شامل وي:

"په دې کې شک نشته چې ډیموکراسي په افغانستان کې یوه نوې پدیده ده او افغانان پکې ډېر تخصص نه لري، نو ځکه د بهرنیانو تجربه او تخصص ډېر مهم دي".

د ټاکنو کمېسیون مرستیال ویاند وايي، ددغو نویو کمېشنرانو په ګمارلو به د ټاکنو خپلواک کمېسیون وکوای شي چې د یوناما په فکر او مالي ملاتړ راتلونکې ټاکنې په ښه ډول ترسره کړي.

د ټاکنو خپلواک کمېسیون په وېبپاڼه خپره شوې اعلامیه کې ددې کمېسیون مشرې هوا علم نورستانۍ د اغلې الینا او ښاغلي احسن په ورتلو خوښي ښولې او وايي هیله لري راتلونکو ټاکنو کې ددغو بهرنیو کمېشنرانو له تجربو ګټه واخلي.