افغانستان

غزني د افغانستان له هغو ناامنو ولایتونو دی چې طالبان څو میاشتې وړاندې د پراخو بریدونو په پایله کې تر ښاره هم رسېدلې وو.

• 11 دسمبر 2018 - 20 لیندۍ 1397

د ملي امنیت شورا لخوا خپره شوې خبرپاڼه کې ویل شوي، چې د بورډ په غونډو کې به د حکومت پر مشرتابه او ځینو لوړپوړو چارواکو سربېره د ملي شورا د دواړو جرګو مشران، د دیني عالمانو د شورا مشر،د سولې د عالي شورا د دارالانشا مشر او یو شمېر جهادي او سیاسي مشران ګډون کوي.

• 11 دسمبر 2018 - 20 لیندۍ 1397

پاکستانۍ اېکسپرېس ټريبيون ورځپاڼې په دې تړاو چې څه شي ولسمشر ټرمپ وهڅاوه چې د ورځپاڼې په خبره له خپل دريځ واوړي او د داسې يوه هېواد چې ده دروغجن او تېرايستونکى باله، لومړي وزير ته ليک واستوي او د افغان جگړې په برخه کې ترې مرسته وغواړي، يوه شننه خپره کړې.

• 11 دسمبر 2018 - 20 لیندۍ 1397

په نشې د روږدو کسانو درملځي کې په نشه يي توکو یوه روږده افغان پېغله وايي، تر درملنې وروسته د پلار کور ته ځکه نه ځي چې بیا به نشه يي شي.

• 11 دسمبر 2018 - 20 لیندۍ 1397

د افغانستان د کورنیو چارو وزارت وایي د کابل په پغمان سیمه کې د ملي امنیت ځواکونو پر موټرونو برید کې ۲۴ملکي او نظامي کسانو ته مرګ ژوبله اوښتې. وسله والو طالبانو د دې برید مسوولیت منلی او ادعا کوي چې په وژل شویو کې بهرني سرتېري هم شته.

• 11 دسمبر 2018 - 20 لیندۍ 1397

د جرمني دوسلدورف کې محکمې ددغه هېواد یو وګړی په افغانستان کې د طالبانو په لیکو کې د جنګېدو په جرم په شپږ کاله بند محکوم کړی. دغه مخکېني طالب جنګیالي منلې چې په ۲۰۱۲ کال پاکستان ته تللی او پنځه کاله د طالبانو لیکو کې جنګېدلی.

• 11 دسمبر 2018 - 20 لیندۍ 1397

ملګري ملتونه وایې د افغان جګړې له ټولو ښکېلو اړخونو سره د ولسي وګړو د مرګ ژوبلې د کمولو لپاره په خبرو بوخت دي وايي د جګړې دوام دغه هېواد کې بشري حقونو پر وړاندې لویه ننګونه ده.

• 10 دسمبر 2018 - 19 لیندۍ 1397

د افغانستان ولسمشرۍ ماڼۍ وایي، له بشري حقونو سرغړونکي هم اوس نه بښل کیږي او دوی یې پر وړاندې قانوني چلند کوي. بل لور ته یوناما ویلي، د ولسي وګړو مرګ ژوبله هره ورځ ډېرېږي او که دې برخه کې د دوی وړاندیزونو ته پام ونشي نور راتلونکي کې به مسوولو کسانو سره حساب کېږي.

• 10 دسمبر 2018 - 19 لیندۍ 1397

له لندن خپرېدونکې ورځپاڼې الشرق الاوسط ورځپاڼې سره مرکه کې د اسلامي حزب مشر ګلبدن حکمتیار له دې امله ګیله من ښکاري چې عربي هېوادونو خپل پام له افغانستان واړاوه نو ځکه ایران دلته لاس را اوږد کړ. د حکمتیار په خبره، دغه ستونزه د ده په وینا په عراق ، یمن او سوریه کې هم رامنځته شوې ده.

• 10 دسمبر 2018 - 19 لیندۍ 1397

د رسمې شمېرو له مخې په افغانستان کې نژدې ۲۰ سلنه ښځې کارونه کوي. په دوی کې د هغو مېرمنو تولیداتو ته بازار موندنه او مارکیټ یوه لویه ستونزه وي چې پر لاسی صنعت کې بوختې دي.

• 9 دسمبر 2018 - 18 لیندۍ 1397

جعلي خبرونه، دروغ خبرونه ، فېک نیوز، دغه اصطلاح په تېرو وختونو کې خورا ډېره شوې. د امریکا ولسمشرد رسمي رسنیو رپورټونو ته دا ټکي کارولي.

• 9 دسمبر 2018 - 18 لیندۍ 1397

د افغانستان د کورنیو چارو پخوانی وزیر عمرداودزی د سولې عالي شورا د دارالانشا مشر او په سیمه ییزو چارو کې د سولې اجماع لپاره د ولسمشر ځانګړی استازی ټاکل شوی دی.

• 9 دسمبر 2018 - 18 لیندۍ 1397

افغانستان کې په تېرو څلورو کلونو کې څه باندې ۲۸ زره امنیتي او دفاعي ځواکونه وژل شوي دي. د وژل شویو ځواکونو کورنۍ له دولت ګیله من دي چې پروا یې نه کوي.

• 9 دسمبر 2018 - 18 لیندۍ 1397

ټایم ورځپاڼه لیکي، په افغانستان کې په درېیو کې دوه برخې نجونې ښوونځي ته نه ځي ، ۸۷ سلنه یې لیک لوست نه شي کولی او د دوی د خوښې برخلاف د ودونو شمېر هم ډېر لوړ دی.

• 9 دسمبر 2018 - 18 لیندۍ 1397

د فساد پروړاندې د مبارزې پر نړیواله ورځ د افغانستان د شفافیت د څار بنسټ وايي، په عدلي او قضايي بنسټونو او پوهنې وزارت کې فساد د نورو ادارو پر تله ډېر دي، افغان ولسمشر محمد اشرف غني وايي، د فساد بیه تر ډېره د غریب اولاد پرې کوي.

• 9 دسمبر 2018 - 18 لیندۍ 1397

افغان کابینې د کانکور ازموینې یوه نوې طرحه تصویب کړې چې پر بڼسټ یې ۲۵ سلنه تحصیلي فرصتونه په سیمه ییز ډول سیالۍ ته ځانګړې شوي دي. د لوړو زده کړو وزارت چارواکي وايي د دغې طرحې موخه د زده کړې متوازن پرمختګ او د سیمه ییزو کادرونو روزنه ده.

• 8 دسمبر 2018 - 17 لیندۍ 1397

د افغانستان په ختيځ کې د مالټو بڼوال وایي، د تېر کال پر تله یې سږ کال حاصل دوه برابره ډېر شوی دی.

• 8 دسمبر 2018 - 17 لیندۍ 1397

د طالبانو یوې باوري سرچینې بي بي سي ته منلې چې د دوی او امریکا مرکچي پلاوی د لسګونه زره طالب بندیانو د خوشي کېدو پر سر هوکړې ته نژدې شوي دي. د بندیانو د راخوشي کېدو د احتمالي هوکړې په اړه مو د ولسمشرۍ ماڼۍ نظر وپوښت، دوی ویل چې په دې اړه خبرې د لویې څارنوالۍ دنده ده.

• 8 دسمبر 2018 - 17 لیندۍ 1397

د افغانستان په ختيځ کې د ننګرهار د مالټو بڼوال وایي، د تېر کال پر تله یې سږ حاصل دوه چنده ډېرشوی دی. د ډېريدو لامل یي د نيالګيو په سمه توګه پالنه بلل کیږي.

• 8 دسمبر 2018 - 17 لیندۍ 1397

د افغانستان د سولې لپاره د امریکا ځانګړي استازي زلمي خلیلزاد روس چارواکو ته ویلي چې افغانان باید خپل برخلیک ټاکلو ته پرېښودل شي، نه دا چې بهرنیان یې برخلیک وټاکي او له بهره پرې د حل یوه لار وتپل شي.

• 8 دسمبر 2018 - 17 لیندۍ 1397