ارګ:‌ د وزیرانو بې واکه کول پر نړیوالو مرستو منفي اغېز کولی شي

په دې وسیله کې د غږ اوريدل او ویډیو لیدنه شونې نه ده.
له قانوني پلوه په دې ډول د وزیرانو استیضاح او له هغوی د باور رایه بېرته اخیستل څنګه دي؟

ولسمشرۍ ماڼۍ وايي د ولسي جرګې له خوا د وزیرانو استيضاح کول به د حکومت د دريو قواوو تر منځ شته همغږي له منځه یوسي او یو د بل پر وړاندې به یې ودروي.

د ولسمشرۍ ماڼۍ ویاند شاه حسين مرتضوي وايي، د ولسې جرګې له خوا د وزیرانو د استيضاح کولو لړۍ کېدای شي د هغو نړیوالو مرستو چې له افغانستان سره یې ژمنه کړې، منفي اغېزې وکړي او ښايي دا چاره په نړیواله کچه د افغانستان باور ته زیان ورسوي.

نوموړي نن یوې خبري غونډې ته وویل، بودیجه د مدیریت یوه برخه ده او یوازې د بودیجې لږ لګول د دې لامل نه شي کېدی چې د ولسې جرګې له خوا دې له وزیرانو د باور رایه واخیستل شي.

ولسي جرګې د پوهنې او ترانسپورت وزیران سلب صلاحیت کړل

د افغانستان ولسي جرګې د کابینې درې وزیران بې واکه کړل

"تر ۷۰ سلنې کمې بودیجې لګوونکي وزیران استیضاح کېږي"

د ښاغلي مرتضوي په وينا د ادارو له خوا د د پرمختيايي بوديجې لږ لګولو يو لامل هم په "ملي شورا پورې اړه لري چې بوديجې په خپل ټاکلي وخت نه تصويبوي". ده وويل د کال "منځمهاله ارزونه ډېر ناوخته د شورا له خوا منل کېږي".

په دې وسیله کې د غږ اوريدل او ویډیو لیدنه شونې نه ده.
افغان ولسي جرګې د ترانسپورت، پوهنې او د مالیې وزیران پوښتنو ته ورغوښتي وو چې یوازې ماليې وزير يې د باور رايې پر ګټلو بريالی شو.

نوموړي دغه خبرې له هغه وروسته کړې چې نن (۱۳ نومبر) ولسي جرګې د ترانسپورټ وزير محمد الله بتاش او د پوهنې وزير اسدالله حنيف بلخي له واکه بې برخې کړل.

د افغان کابينې د غړو د استيضاح په لړ کې پرون هم ولسي جرګې د بهرنيو چارو وزير صلاح الدين رباني، د کار ټولنيزو چارو ، شهدا او معلولينو وزيره نسرين اورياخېل او د فوايد عامې وزير محمود بليغ څخه د باور رايه اخيستې وه.

دا پرېکړه د ملي يووالي حکومت د مشرانو د اندېښنې لامل شوه او تېره شپه د افغانستان ولسمشرۍ ماڼۍ د پارلمان دا ګام "غيرموجه" وباله.

په پارلماني چارو کې د دولت وزير هم ولسي جرګې ته د يوه ليک په استولو غوښتنه کړې چې د ملي يووالي حکومت د وزيرانو استيضاح دې وځنډول شي.

ولسي جرګه د دغو وزیرانو د استيضاح لاملونه له ۷۰ سلنې د کمې بودیجې لګول، د بودیجې په لګښت کې له قانونه سرغړونه او د پرمختیایي بودیجې د وړاندې اخستل شویو پیسو بېرته نه ورکول بولي.

خو بله خوا د ولسمشرۍ ماڼۍ وياند ښاغلي مرتضوي وايي، د ولسي جرګې غړو د وزیرانو له خوا وړاندې شویو معلوماتو او راپورونه ته په سمه توګه غوږ نه دی نیولی او دوی د بودیجې په برخه کې جدي او مسلکي پوښتنې هم و نه کړې.

د انځور حقوق ارګ

تېره شپه ولسمشر محمد اشرف غني په ارګ ماڼۍ کې د ولسي جرګې له اداري پلاوي او د کمیسیونونو له ریيسانو سره په ناسته کې د دې جرګې له غړو وغوښتل چې د وزیرانو د پوښتلو لړۍ دې تر هغه وځنډوي چې د بودیجې په برخه کې بشپړه معلومات ور ته ورسېږي.

اړونده مطالب

ورته مطالب