د افغانستان دفاع وزارت وايي داعش ډله نژدې ختمه ده
په دې وسیله کې د غږ اوريدل او ویډیو لیدنه شونې نه ده.

د افغانستان دفاع وزارت وايي داعش ډله نژدې ختمه ده

روسيې، چين او پاکستان په افغانستان کې د اسلامي دولت نومې ډلې د اغېز په اړه اندېښنه ښوولې ده.

په مسکو کې د درو واړو هېوادونو په گډه ناسته کې پر افغان امنيت هم خبرې وشوې خو د افغانستان دفاع وزارت وايي داعش یې دومره ځپلی چې اوس یې د وسله والو شمېر شاوخوا زرو کسانو ته ټيټ شوی دی.

د افغانستان په لوېدیځ کې چارواکو بي بي سي ته ویلي ولسي همغږۍ په نیمروز کې د داعش په کابو کولو کې مرسته کړې خو سید عبدالله نظامي چې د افغانستان لوېدیځ ته ورغلی وايي لا هم لويې لارې خوندي نه بلل کېږي