ناټو، افغانستان او امارات د کندهار برید څېړنه کوي

د انځور حقوق Reuters
Image caption د تېرې سې شنبې په ورځ د کندهار د والي مېلمستون کې چاودنې د عربي متحدو اماراتو پنځه ډیپلوماتان ووژل او ددغه هېواد سفیر یې ټپي کړ.

د افغانستان ملي امنیت ادارې ویلي، د افغانستان، عربي متحده اماراتو او د ناټو ګډو کارپوهانو د کندهار د خونړي برید په اړه څېړنه پیل کړې ده. په برید کې د اماراتو ۵ ډیپلوماتان او ۷ افغانان ووژل شول.

د ملي امنیت په یوه خبرپاڼه کې راغلي، د افغانستان د امنیتي ځواکونو لومړني معلومات ښيي چې دا برید له افغانستان نه بهر سمبال شوی و.

د افغان څارګرې ادارې په وینا، ددغه برید لپاره د پاکستان بلوچستان کوټې پر لار د "مولوي احمد کندهاري" په نامه مدرسه کې پلان جوړ شوی و.

د ملي امنیت لوی ریاست وايي، خپلې څېړنې به له افغانانو او نړیوالو سره شریکې کړي.

د کندهار چاودنې مرستیال والي، د ملي شورا غړي او د اماراتو ډیپلوماتان وژلي

اتمر وايي د کندهار برید د طالبانو کار دی

د تېرې سې شنبې په ورځ د کندهار د والي مېلمستون کې چاودنې د عربي متحدو اماراتو پنځه ډیپلوماتان ووژل او ددغه هېواد سفیر یې ټپي کړ.

د کندهار د ټولو وژل شویو شمېر ۱۲ ته لوړ شو او د ټپیانو شمېر ۱۴ و.

د کندهار له برید سره هم مهاله، کابل کې هم ځانمرګي برید لږترلږه ۳۸ افغانان ووژل او ۸۶ نور یې ټپيان کړل.

په هماغه ورځ هلمند کې هم ځانمرګي برید ۷ کسان ووژل او ۶ نور یې ټپیان کړل.

افغان دولت ددغو بریدونو په تړاو دوه ورځې عمومي ویر اعلان کړ. کوي

په دې وسیله کې د غږ اوريدل او ویډیو لیدنه شونې نه ده.
د کندهار امنیې قومندان وايي د کندهار برید د طالبانو او حقاني شبکې ستر هدف و

ورته مطالب