د واورو له امله د ډېری ولايتونو لارې له مرکز سره تړل شوې دي
په دې وسیله کې د غږ اوريدل او ویډیو لیدنه شونې نه ده.

د واورو له امله د ډېری ولايتونو لارې له مرکز سره تړل شوې دي

د افغان چارواکو په وينا د افغانستان په ځینو سیمو کې له دوو نه تر دریو مترو پورې واوره شوې او د دې احتمال هم ډېر دی چې واورې وښوېږي.

له طبعي پېښو سره د مبارزې وزیر ویس برمک مو پوښتل چې د تېرو کلونو تجربو ته په کتو سږکال په ژمې د وارو ښویدونو لپاره د دوی چمتوالی څه و؟

نوموړي وويل تر هغه چې لارې خلاصېږي خلک دې د خپلو کليو او ولسواليو په کچه تدبيرونه ونيسي.

د ښاغلي برمک په وینا د افغانستان په ۲۲ ولایتونو کې د وروستيو ورښتونو له کبله د ولایتونو زیاترو مرکزونو ته د یو شمېر ولسوالیو غځېدلې لارې هم بندې دي.