"افغان او پاکستاني مشرانو د ترهګرۍ ضد همکارۍ هوکړه وکړه"

Image caption افغان چارواکي وايي د لارو په تړلو سره د ترهګرۍ په وړاندې مبارزه نه شي کیدای.

افغان او پاکستاني لوړپوړو چارواکو سره هوکړه کړې، چې په دواړو هېوادونو کې د ترهگرۍ ضد اغېزمنې همکارۍ لپاره له خپلو مشرانو سره سلا مشورې وکړي.

دا هوکړه د افغانستان د ملي امنيت شورا سلاکار حنيف اتمر او په بهرنيو چارو کې د پاکستان د لومړي وزير سلاکار سرتاج عزيز ترمنځ پرون د ټيليفوني خبرو اترو پر مهال وشوه.

د د غو لوړ پوړو افغان او پاکستاني چارواکو ترمنځ اړيکه وروسته له هغه ټينگه شوه چې د پاکستان په سند ايالت کې د لال شهباز قلندر پر زيارت يوۀ خونړي ځانمرگي بريد له امله، د دواړو هېوادونو له لوري پر يوه بل د تورونو پورې کول يو ځل بيا زور واخيست.

کابل:‌ د لارو په تړلو د ترهګرۍ پر ضد مبارزه نه شي کېدای

پاکستان د شپې شربت ګله په تورخم کې افغان لوري ته وسپارله

پاکستان د تورخم په ګډون له افغانستان سره د خپلو پولو تړلو اعلان کړی

ښاغلي اتمر له ښاغلي عزيز سره به ټيليفوني خبرو کې ويلي د لال شهباز قلندر پر زيارت د بريد پړه داعش رسماً منلې چې په دې وروستيو کې يې په کابل کې هم ورته ترهگريز بريدونه کړي.

د افغانستان د امنيت شورا د خپرې کړې وينا پاڼې پربنسټ ښاغلي اتمر سرتاج عزيز ته وويل "افغانستان او پاکستان د ترهگرو د پټنځايونو له منځه وړلو لپاره بايد په گډه اغېزمنې لارې چارې غوره کړي."

په همدې حال کې د پاکستان پوځ وايي د هېواد په لرو او بر کې يې د يو لړ پراخو عملياتو په ترڅ کې څه د پاسه ١٠٠ اورپکي وژلي او لسگونه نور يې نيولي دي.

د انځور حقوق AFP
Image caption ښاغلي اتمر له ښاغلي عزيز سره به ټيليفوني خبرو کې ويلي د لال شهباز قلندر پر زيارت د بريد پړه داعش رسماً منلې چې په دې وروستيو کې يې په کابل کې هم ورته ترهگريز بريدونه کړي.

پاکستاني پوځي چارواکو همداراز د احتجاج په توگه افغان ډيپلوماټان په رولپنډۍ کې خپل مرکز ته وربللي و او د ٧٦ مشکوکو اورپکو نوملړيې ور سپارلى چې په وينا يې اوسمهال په افغانستان کې دي.

د پاکستان پوځي سرچينې وايي د ډيورنډ کرښې په اوږدو کې يې د ترهگرو پټنځايونه په نښه کړي دي.

د پاکستان لومړي وزير نواز شريف ويلي هېواد يې د پاېښت جگړه کوي.

پاکستان له افغانستان د ۷۶ "ترهګرو" د سپارلو غوښتنه وکړه

د انځور حقوق AFP
Image caption د اتمر او سرتاج عزیز ترمنځ اړيکه وروسته له هغه ټينگه شوه چې د پاکستان په سند ايالت کې د لال شهباز قلندر پر زيارت يوۀ خونړي ځانمرگي بريد له امله، د دواړو هېوادونو له لوري پر يوه بل د تورونو پورې کول يو ځل بيا زور واخيست.

اړونده مطالب

ورته مطالب