اشرف غني: که طالبان سوله نه کوي، د قطر دفتر دې وتړل شي

د انځور حقوق AFP
Image caption طالبانو په ۲۰۱۳ کال قطر کې د دفتر پرانیستلو هوډ وکړ

افغان ولسمشر اشرف غني په مونیخ امنیت غونډه کې د قطر له بهرنیو چارو وزیر شیخ محمد بن عبدالرحمن بن جاسم آل ثاني سره په لیدنه کې پر طالبانو غږ وکړ چې له جګړې لاس واخلي او د سولې بهیر سره یو ځای شي.

د ارګ له خوا په خپره شوې بیانیه کې نوموړي ګواښ کړی، که وسلوال طالبان د راتلونکي کال تر پسرلي او دوبي خپل چلند بدل نه کړي او تاوتریخوالي ته دواو ور کړي. باید له بندیزونو سره مخ شي.

"که طالبان مثبت چلند غوره نه کړي، تاوتریخوالی جاري وساتي، باید د قطر دفتر د تړلو په ګډون پر دوی بندیزونه پلي شي".

'کابل له طالبانو سره بې قید او شرط خبرې نه ردوي'

سولې عالی شورا: قطر دفتر په تړل کېدو خواشیني یو

طالبان: د قطر دفتر يوازې سياسي فعاليتونو لپاره دى

افغان ولسمشر دا هم ویلي، چې سوله د افغانانو مهم لومړیتوب دی، خو طالبان تو پکار نه دي چې په خوله سوله یادوي، خو په عمل کې جګړه کوي.

د ارګ په خبرپاڼه کې دا هم راغلي، چې د قطر د بهرنیو چارو وزیر له افغان ولسمشر سره په خبرو کې ویلي، چې په افغانستان کې د سولې او ټیکاو لپاره هڅې نورې هم زیاتوي.

د ارګ د اعلامیې له مخې، ولسمشر غني د قطر له چارواکو سره په خبرو کې د کندهار چاودنه هم یاده کړې، چې پکې د متحده عربي اماراتو د سفیر په ګډون د دغه هېواد څو ډیپلوماټانو ته مرګ ژوبله واوښتله.

د اشرف غني په خبره، د افغان حکومت څېړنې ښيي چې وسلوال طاللبان او شورا یې په دې پېښه کې لاس لري.

وسلوالو طالبانو په دغه برید کې لاس درلودل رد کړي دي.

د انځور حقوق mofa.gov.qa
Image caption د ارګ په خبرپاڼه کې دا هم راغلي، چې د قطر د بهرنیو چارو وزیر له افغان ولسمشر سره په خبرو کې ویلي، چې په افغانستان کې د سولې او ټیکاو لپاره هڅې نورې هم زیاتوي.

د دې بیانیې له مخې، افغان ولسمشر په خپل استوګنځي کې د چین له بهرنیو چارو وزیر سره هم لیدلي، او د سولې څلور اړخي سند د پلي کړولو لپاره یې د پاکستان پر هڅولو ټینګار کړی دی.

په قطر کې د وسلوالو طالبانو لپاره سیاسي دفتر پر ۲۰۱۳ کال پرانیستل شو او قطري چارواکو هیله ښوده چې د دې دفتر له لارې به روانه افغان غمیزه پای ته ورسېږي، خو تراوسه یې دا هیله پوره شوې نه ده.

طالبان د دغه دفتر له لارې خپل سیاست کوي او هم یې استازي له دې ځایه مختلفو هېوادونو ته سفر کوي.

طالبانو د قطر دفتر په موقت ډول تړلی

ورته مطالب