وسلوالو طالبانو روزگان کې ۵۴ روغتیایي مرکزونه تړلي

د انځور حقوق احسان الله ولسیار
Image caption د روزګان مرکز ترینکوټ

د سویلي روزګان ولایت څخه راپورونه ښي، چي وسلوالو طالبانو د ناڅرګندو دلایلو له مخي تر ۵۴ پورې وغتیایې مرکزونه بند کړي دي.

د روزګان د روغتیا مشر ډاکټر خان اقا میاخېل هم د بي بي سي خبریال عصمت بهیر سره خبرو کې وویل، چې د دغه ولایت له ۵۹ روغتیايي مرکزونو څخه وسلوالو طالبانو ۵۴ روغتونونه تړلي دي.

" طالبان درې غوښتنې لري، یو دا چې دوی ته د خپلې خوښې په سیمو کې درې مجهز روغتونونه جوړ شي، په روغتیايي مرکزونو او واکسین کې د دوی کسان وګومارل شي".

د نوموړي په خبره، د طالبانو دریمه غوښتنه دا ده چې د دوی د خوښې روغتیايي مرکزونو کې باید د جراحي برخه هم فعاله شي ځکه دوی ورته ډېره اړتیا لري.

* افغانستان کې روغتيا؛ خلک وايي درد یې نه دوا کېږي

* د غزني ولایت لیرې سیمې روغتیايي خدمتونه غواړي

د روزګان د والي ویاند وايي د وسلوالو طالبانو په دغه ګام سره د روزګان ولایت نږدې ۹۰ سلنه خلک له روغتیايي خدمتونو بې برخې شوي دي.

د روزګان مرکز ترینکوټ د سجاول سیمي د یوه روغتیایې مرکز روغتیاپال بي بي سي ته وویل ، چې تېره ورځ ماځیګر وسلوال ورغلل او له دوی څخه یې کیلي واخیستې او کلینیک یې وتاړه.

د دغه ولایت د چورې ولسوالۍ یو ځايي اوسیدونکی قدرت الله وایي، چي سیمه کې یې روغتیایې مرکز بند او ځايي خلګ یې د ستونزو سره مخ کړي دي.

د روزګان د روغتیا مشر وايي، یواځې د مرکز اړوند ولایتي روغتون په ګډون پنځه روغتيايي مرکزونه کار کوي، خو د ولایتي روغتون مشر امنین الله توخی وايي، دغه روغتون ته هم طالبانو خبردری ور کړی، خو نیمه فعال دی.

د انځور حقوق احسان الله ولسیار

که څه هم وسلوال طالبان دا خبرې نه مني، چې دوی په روزګان کې روغتیایې مرکزونه بند کړي دي.

خو د دغې ډلې ویاند قاري یوسف احمدی وایي د موضوع په اړه به پلټني وکړي.

ویل کېږي روزګان کې طالبانو له چارواکو غوښتي و چې د دوی د خوښې سیمو کې درې روغتیايي مرکزونه جوړ کړي، حکومت ور سره په ژمنه ونه درېد، ځکه یې په غبرګون کې دې ډلې تر ۵۴ روغتیايي مرکزونه وتړل.

وسلوالو طالبانو د کندهار په دریو ولسوالیو کي له څو میاشتو راهیسې د ګوزڼ ضد کمپاین په مشروط ډول بند کړی دی.

د دغې ډلې یو ویاند ذبیح الله مجاهد وایي" غوښتنه یې دا ده ، چې د دوی ترولکې لاندې سیمو کې باید باوري او د دوی له اړخه ورپیژندل شوي کسان د پولیو کمپاین وکړي.

ښاغلی مجاهد وایي، د پولیو له رضا کارانو افغان حکومت د جاسوسانو کار اخلي.

د طالبانو یوه ویاند قاري یوسف احمدي د ورځي په وروستیو کي بي بي سي ته وویل، چي دغه روغتیایي مرکزونه یې ځکه تړلي، چي په وینا یې هېڅ ‌‌‌‌‌‌ډول روغتیایي اسانتیاوي پکې نه وې.

د انځور حقوق احسان الله ولسیار

ورته مطالب