کابل کې د پکتیا امنیه قومندان د جنازې مراسم

په دې وسیله کې د غږ اوريدل او ویډیو لیدنه شونې نه ده.
"د فیسبوک له لارې د خپل زوی په ټپي کېدو خبر شوم"

د افغانستان د ولسمشر محمد اشرف غني او جګپوړو افغان چارواکو په حضور د پکتیا د وژل شوي امنیه قومندان د جنازې مراسم کابل کې ترسره شول. جنرال توریالی عبدیاني او څه باندې ۴۰ نور کسان تېره ورځ د پکتیا پر امنیه قومندانۍ ډله ییز برید کې ووژل شو.

ولسمشر غني په سردار محمد داوود خان روغتون کې د مل پاسوال توریالي عبدیاني تابوت ته درناوی وکړ. ‎

د ښاغلي عبدیاني د جنازې مراسمو ته کابل کې ټینګ امنیت نیول شوی و. د نوموړي جنازه د کابل عیدګاه جومات کې وشوه چې د مراسمو خپرو شویو انځورونو کې ولسمشر غني هم لیدل کېږي.

د کورنیو چاروسرپرست وزیر ویس احمد برمک د یوه پیغام په خپرولو ویلي، د جنرال عبدیاني ملګري ژوندي دي چې ډېر ژر به له بې زړه ترهګرو نه د هغه د وژل کېدو غچ واخلي.

د پکتيا او غزني بريدونو کې څه دپاسه ٧٠ تنه وژل شوي

غزني کې د طالبانو موټربم برید ۳۰ کسان وژلي

د کورنیو چارو وزارت وايي، د پکتیا برید ۴۸ وژل شویو کې ۲۰ ولسي وګړي وو.

د انځور حقوق Arg
Image caption ښاغلي غني د عبدیاني د تابوت لېږدولو کې هم برخه واخیسته

طالبانو د وژل شویو او ټپیانو شمېر ډېر لوړ ښودلی و.

کورنیو چارووزارت د طالب بریدګرو شمېر اوه کسه ښودلی، خو طالبانو ویلی اتو بریدګرو برید کړی.

د انځور حقوق Getty Images
Image caption جنرال عبدیاني د برید پرمهال پخپل دفتر کې و

برید کوونکو د پولیسو له جامو او موټرو په ګټې اخیستو د پکتیا امنیه قومندان د دفتر تر دروازې ځانونه رسولي وو.

طالبان وايي، له دې بریده یې د امریکا او افغانستان دولتونو ته دا پیغام رسول وو، چې په رڼا ورځ دوی کولی شي د ولایت د امنیه قومندان پر دفتر برید وکړي او د امریکا د نوې تګلارې په اعلانولو سره به دوی ماتې نه خوري.

د انځور حقوق Arg
Image caption د پکتیا پر امنیه قومندانۍ د برید په ورځ د غني اندړو پر ولسوالۍ هم ورته برید کې ۲۵ پولیس وژل شوي وو

ورته مطالب