افغان کابینې د ۱۳۹۷ لمریز کال بودیجه تایید کړه

د انځور حقوق ارګ

افغان کابینې د ۱۳۹۷ کال بودیجه- چې ۵،۱ میلیارد ډالره کېږي- وارزوله.

په دې کې ۳،۸ میلیارد ډالر عادي او نږدې ۱،۳ میلیارد ډالر هم پراختیايي بودیجه ده.

عادي بودیجه تر ډېره د د وزارتونو او خپلواکو دولتي ادارو د ورځنیو چارو او تنخا لپاره لګول کېږي.

پراختیايي بودیجه هم د پرمختیايي چارو لپاره کارېږي.

د ۱۳۹۷ کال د ملي بودیجې له ۲،۳ میلیارد ډالرو ډېر له کورنیو سرچینو او ۲،۷ میلیارد ډالر هم له بهرنیو مرستو برابرېږي.

* 'ډېرو وزارتونو لانیمايي بودیجه هم نه ده لګولې'

* "تر ۷۰ سلنې کمې بودیجې لګوونکي وزیران استیضاح کېږي"

د افغانستان د ۱۳۹۷ کال بودیجه ۱۰۹ میلیون ډالر کسر لري او حکومت وايي، له پور به ترلاسه شي.

د افغانستان د اقتصاد نوماند وزیر مصطفا مستور وايي، دا وړاندیزي بودیجه ځانګړې جرګه ګۍ ته استول شوې چې پکې سمون را ولي او بیا یې د تایید لپاره کابینې ته واستوي.

دا جرګه ګۍ هم له مالیې، اقتصاد، بهرنیو او ښځو چارو وزارتونو او اداري سمون او چارو ادارې څخه جوړه ده.

تېر کال د افغان بودیجې کسر نږدې ۳۱۵ میلیون ډالر اټکل شوی و.

په افغانستان کې مالي کال له جدي میاشتې پیلېږي.

د انځور حقوق .
Image caption بودیجه په کابینه کې له تایید وروسته مشرانو او ولسي جرګې ته د تصویب لپاره ځي.

د افغان بودیجې د لګولو څارونکې ادارې وايي، د دغه هېواد وزارتونو د تېر کال ۵۰ سلنه بودیجه هم ونه لګوله.

دا سبب کېږي چې د بودیجې کسر پر افغان حکومت ډېر فشار نه اچوي.

د تېر کال بودیجه نږدې ۶،۶ میلیون ډالر وه، چې نږدې ۴،۱ عادي بودیجه او ۲،۵ میلیارد ډالر هم پراختیايي بودیجه وه.

د روان کال بودیجه تر تېر کال له یو میلیار ډالرو ډېره کمه ده.

د افغانستان د اساسي قانون له مخې، په کابینه کې د بودیجې د وړاندیزي پلان له تایید وروسته اول دا بودیجه مشرانو جرګې او بیا ولسي جرګې ته لېږل کېږي.

ورته مطالب