"کندوز کې د بهرنیو ځواکونو بمبارۍ۱۰ ولسي وګړي وژلي"

. د انځور حقوق Getty Images
Image caption د ناټو په اعلامیه کې راغلي چې په سیمه کې یې عملیات کړي او ګڼ شمېر وسلوال یې وژلي دي.

په داسې حال کې چې افغانستان کې د پرېکنده ملاتړ بهرني ځواکونه وايي، د کندوز بمبارۍ کې ولسي وګړي وژل ردوي، د ملګرو ملتونو سیاسي استازولۍ (یونما) وايي، په یاده بمبارۍ کې لږترلږه ۱۰ ولسي وګړي وژل شوي.

یونما پر ټویټر لیکلي، د باوري رپوټونو له مخې د روانې نومبر میاشتې پر څلورمه، د کندوز چاردره ولسوالۍ کې د وژل شویو په ډله کې لس ولسي وګړي دي.

سرچینه وايي، دوی له ګڼو ژغورل شویو، روغتیاپالو، د سیمې له قومي مشرانو او نورو خلکو سره خبرې کړې چې د ټولو په اند د بمبارۍ قربانیانو کې ولسيو ګړي وو.

تېره ورځ په افغانستان کې د ناټو په مشرۍ د پرېکنده ملاتړ بهرنيو ځواکونو د کندوز په چاردره کې د ولسي وګړو مرګ ژوبله رد کړه.

پر شمشاد برید: مرګ ژوبله او پراخ غبرګونونه

د کندوز بمبار کې د" ۱۴" ولسي وګړو د وژل کېدو خبره کېږي

ناټو: په کندوز کې ولس ته مرګ ژوبله نه ده اوښتې

د تېرې یکشنبې په ورځ د کندوز د ولایتي شورا یوه غړي له بي بي سي سره خبرو کې وویل، چې د چادرې په یوه سیمه کې ۱۴ ولسي وګړي وژل شوي او ۱۳ ټپیان دي.

د ناټو په اعلامیه کې راغلي چې په سیمه کې یې عملیات کړي او ګڼ شمېر وسلوال یې وژلي دي.

د ډونلډ ټرمپ د نوې ستراتیژۍ له مخې په افغانستان کې د بهرنیو ځواکونو هوايي عملیات ډېر شوي، خو د دې عملیاتو له امله ولسي مرګ ژوبله هم ډېره شوې ده.

یونما وايي، دوی د امنیت شورا په همغږۍ د ولسي وګړو د وضعیت او مرګ ژوبلې په اړه بې پرې رپوټونه خپروي.

یونما وايي، په افغانستان کې د عبادت پر ځایونو په ۴۲ بریدونو کې لږترلږه ۲۶۱ کسان وژل شوي او ۵۷۲ نور ټپیان شوي، چې یونما دا یو ناانساني عمل بللی دی.

د انځور حقوق UNAMA

ورته مطالب