له مرګوني بريد وروسته د کابل ویرجنې کورنۍ

د کورنيو چارو وزير يې وايي د وژل شويو شمېر يې اوس ۱۰۳ ته ختلی، داسې حال کې چې حکومت نن د ملي وير ورځ اعلان کړې وه.

افغان پلازمېنه کابل کې پروني مرګوني بريد کې د وژل شويو شمېر له سلو اوښتی دی. د دغه هېواد کورنيو چارو وزير ويس احمد برمک وايي بريد کې ځينې سخت ټپيان د شپې مهال مړه شوي، او ټولټال شمېر يې اوس ۱۰۳ ته ختلی، داسې حال کې چې حکومت نن د ملي وير ورځ اعلان کړې وه.

دا د تېرې مې ۳۱ مې راهيسې د وزير اکبرخان مېنې له موټربم راهيسې تر ټولو مرګونی بريد و، چې پر انټرکانټيننټل هوټل له بريد يوازې يوه اوونۍ وروسته کېږي.

نجما ځلا يې د تازه حال په اړه راپور لري.