د کابل دیپلوماتیکه سیمه کې ځانمرګی برید شوی

کابل د انځور حقوق Reuters

د افغانستان امنیتي چارواکي وايي، ولسمشرۍ ماڼۍ او د ناټو مرکزي قومندانۍ ته څېرمه یوه ځانمرګي برید لږترلږه دوه کسن وژلي او اوه نور یې ټپیان کړي دي.

د کورنیو چارو وزارت مرستیال ویاند نصرت رحیمي بي بي سي ته وویل، برید ګهیځ اته بجې او ۲۰ دقیقې د یوه پلي روان ځانمرګي بریدګر له خوا د شش درک سیمې لومړۍ امنیتي پوسته کې وشو.

ښاغلی رحیمي وايي، ښايي بریدګر به امنیتي بنسټونو ته د ځان رسولو هوډ درلود. د کورنیو چارو وزارت ویاند نجیب دانش وايي، د دوو ټپیانو روغتيايي وضعیت د اندېښنې وړ دی.

شش درک سیمه، چې د کابل نهمې امنیتي حوز اړوندېږي، تر ډېره ټینګ امنیت لري. تر ډېره امنیتي بنسټونه او د ناټو قومنداني په دې سیمه کې ده.

د تېرې سلواغې میاشتې پر اووه سږ کال کابل د تر ټولو خونړي برید شاهد و، چې کابو سل کسان پکې ووژل شول.

بل خوا، د افغانستان سوېلي هلمند ولایت مرکز لښکرګاه کې یوه ځانمرګي برید کوونکي له چاودېدونکو توکو خپل ډک موټر چوولی دی.

کابل ځانمرګی برید: ۱۳ پولیس وژل شوي او ۱۶ ټپیان دي

کابل کې ځانمرګی برید

د هلمند د والي ویاند عمر ځواک وايي، په برید کې د دوو ښځینه پولیسو، ښځو او ماشومانو په ګډون اته کسان ټپیان شوي.

همداشان، د هلمند چارواکي وایې ددغه ولایت په نادعلي ولسوالۍ کې یوه ځانمرګي برید کوونکي، چې غوښتل یې د یوه هاموي موټر په مټ د افغان پوځ یو مرکز په نښه کړي، تر رسېدو مخکې د افغان پوځيانو له خوا په نښه شوی او چاودنه یې کړې.

د هلمند د والي ویاند عمر ځواک وايي، برید کې یو افغان پوځي وژل شوی او دوه نور ټپيان دي، خو د کورنیو چارو وزارت د وژل شویو سرتېرو شمېر دوه ښيي او یو بل ټپي شوی.

د انځور حقوق Helmand
Image caption د هلمند سیمه ییز چارواکي وايي، ځانمرګی د مرکز لښکرګاه دویمې حوزې ته څېرمه شوی

افغان ولسمشر محمد اشرف غني په هرات ولایت کې د ټاپي پروژې اختتامیه مراسمو ته خبرو کې د نن ورځې د کابل، هلمند او فراه ولایتونو د خونړیو پېښو په اړه خواشیني وښوده. هغه وویل، ''د هېواد دښمنان باید پر دې وپوهېږي چې موږ هېڅکله له خپل هوډه نه اوړو او تر پایه به مبارزه کوو. ''

ورته مطالب