وسلوالو طالبانو پسرلني عملیات اعلان کړل

د انځور حقوق .

وسلوالو طالبانو رسنیو ته د اعلامیې په استولو سره د خندق په نوم پسرلني عملیات اعلان کړل.

طالبانو په یوه اعلامیه کې دا هم ویلي چې د دې عملیاتو اعلانولو سره هممهاله یې بګرام هوايي اډه باندې توغندیز برید کړی دی.

که څه هم دوی په دغه برید کې بهرنیو ځواکونو ته د مرګ ژوبلې اړولو ادعا کوي.

خو د بګرام ولسوال عبدالشکور د بي بي سي خبریال محفوظ ذبیدي ته وویل، دوه توغندي توغول شوي وو، مګر هوا کې شنډ کړل شول.

وسلوالو طالبانو د خپل پخواني مشر په نوم عملیات پیل کړي

طالبان، د روسیې نوي حیرانونکي ملګري

طالبانو تېر کال د خپلو عملیاتو نوم منصوري او وړم کال یې عمري اېښودلی و، خو سږني عملیات یې خندق بللي دي.

وسلوال طالبان وايي، دې عملیاتو کې پر امریکايي "یرغلګرو" او د هغوی د ملاتړو په ځپلو، ټکولو او ژوندي نیولو تمرکز ولري.

د سولې خبرو ردول

ر د انځور حقوق Getty Images
Image caption د ډونلډ ټرمپ د ستراتیژۍ له مخې افغانستان کې امریکايي ځواکونو او هوايي بریدونه ډېر شول.

د ډونلډ ټرمپ د نوې ستراتیژي له مخې پر وسلوالو طالبانو او د هغوی په ملاتړي پاکستان د فشار ډېرولو خبره شوې.

خو طالبان د افغان- امریکا تړون او د دوی په خبره، افغانستان کې د جګړې تازه کولو لپاره امریکایي اډېد سولې خبرو په مخ کې خنډ دي.

"دا هغه عوامل دي چې امریکایان یې له مخه د هرډول سولې امکانات سبوتاژ او په افغانستان کې د جګړې پر تشدید او غزولو ټینګار کوي او د اسلامي امارت د مذاکراتو دریځ ته منفي جواب وایې".

افغان ولسمشر د تېرې پرورۍ پر ۲۸ د کابل بهیر غونډه کې له طالبانو سره له مخ شرط پرته خبرو وړاندیز وکړ.

هغه دا هم وویل، چې دوی له طالبانو سره اوبند او د سیاسي ګوند په توګه منلو ته چمتو دي.

که څه هم وسلوالو طالبانو د ولسمشر غني دغه وړاندیز ته ځواب ور نه کړ، خو د سولې عالي شورا ویل چې دا ډله د سولې په تړاو خپلمنځي خبرې کوي.

دې شورا دا هم وویل، چې که طالبان خبرې کوي دوی ورته هر ځای دفتر پرانیځي.

مګر وسلوالو طالبانو په خپله اغلامیه کې د سولې په تړاو دا هڅې د دوی د کمزوري کولو د وسیلې په توګه بللې، نه د تلپاتې سولې لپاره.

پر طالبانو فشار

د انځور حقوق Getty Images
Image caption امریکا د افغانستان شمال کې هم د طالبانو پرضد بریدونه ډېر کړي دي.

د طالبانو د پسرلنيو عملیاتو اعلان په داسې مهال دي چې د ډونلد ټرمپ د ستراتیژۍ له مخې پر دې ډله هوايي بریدونه ډېر شوي دي.

وسلوالو طالبانو افغانستان کې د امریکايي ځواکونو او د دوی د هوايي عملیاتو ډېرېدلو ته هم اشاره کړې.

"د ټرمپ جنګي ستراتیژي چې له تیرو شاوخوا (۹) میاشتو راهیسې د مظلومو افغانانو په کلیو او بانډو کې په وحشت سره پلي کیږي".

د امریکا د ولسمشر ډونلډ ټرمپ له ستراتیژۍ اعلانېدلو یوه میاشت وروسته او په تېر سپتمبر میاشت کې امرکايي رسنیو وویل:

" په سپټمبر میاشت کې افغانستان کې د طالبانو او داعش ډلې پر وړاندې ۷۵۱ هوايي بریدونه شوي، چې دا په تېرو اتو کلونو کې د بمبارۍ تر ټولو لوړه کچه وه".

په ورته مهال په دې بمبار کې د ولسي وګړو مرګ ژوبله هم ډېره شوې ده.

ورته مطالب