افغان دولت د طالبانو درې ورځني اوربند هرکلی کړی

په دې وسیله کې د غږ اوريدل او ویډیو لیدنه شونې نه ده.
اکرم خپلواک: 'هیله ده د مخامخ خبرو نېټه او ځای اعلان شي'

د طالبانو ویاند ذبیح الله مجاهد رسنیو ته په استولې خبرپاڼه کې ویلي، چې د دوی مشرتابه خپلو جنګیالیو ته امر کړی، چې په ټول هېواد کې د دوی په وینا پر کورنیو مخالفینو بریدګر عملیات ودروي.

خو په خبرپاڼه کې ویل شوي، چې پر بهرنیو ځواکونو به د دوی بریدونه روان وي.

وسلوال طالبان دا هم وايي، که افغان ځواکونه په دغو ورځو کې پر دوی بریدونه وکړي، نو ځواب به یې وايي:

"ټولو مجاهدینو ته هدایت ورکول کیږي چې د کوچني اختر په اوله دوهمه اودریمه ورځ دې په ټول هیواد کې د داخلي مخالیفینو پرضد تعرضي عملیات ودروي، خو که په مجاهدینو تعرض وشي کلکه دفاع دې کوي".

د افغانستان ولسمشرۍ ماڼۍ د طالبانو د دې پرېکړې هرکلی کړی او وايي طالبان دې د علماوو او افغانانو غوښتنې ته مثبت ځواب ورکړي او په افغانستان کې د جنګ پای ته رسولو باندې دې ډېر تمرکز وکړي.

دا اعلان په داسې وخت کې شوی، چې څو ورځې وړاندې افغان ولسمشر محمد اشرف غني له طالبانو سره د روژې له اووه-ویشتمې د کوچني اختر تر پینځمې پورې اوربند اعلان کړ.

د افغان ولسمشر یو ویاند شاه حسین مرتضوي د وسلوالو طالبانو د اوربند هرکلی کوي او ښه پیل یې بولي.

* غني: د اختر تر پنځمې په وسله والو طالبانو تهاجمي عملیات نه کوو

نوموړی هیله لري چې راتلونکي کې دا اوربند په لا ډېرو چانسونو بدل شي:

"که یوه ګړۍ هم د افغانستان یوه برخه کې اوربند وي، د همدې یوې ګړۍ لپاره هم خلکو ته خوشالي لرلی شي".

د بندیانو خوشي کول

د وسلوالو طالبانو په بیان کې دا هم راغلي چې د دې ډلې په بندیخانو کې بندیانو ته له خپلوانو سره د لیدلو زمینه برابره شي:

"چې څومره بندیان دي، هغه که جنایي وي که جنګي، د اختر په شپو ورځوکې دې مجاهدین د خوښیو سهولتونه او د امکان په صورت کې له کورنیو سره د ملاقاتونو زمینه ورته مساعده کړي".

په دې وسیله کې د غږ اوريدل او ویډیو لیدنه شونې نه ده.
غني: پر طالبانو د اختر تر ۵مې تهاجمي بریدونه مه کوئ

په اعلامیه کې د وسلوالو طالبانو د نظامي کمېسون پر "مسئولانو او د ولایاتو والیانو" غږ شوی چې که کوم بندیان د "دوښمن" په لیکه کې او د طالبانو پرضد د نه درېدرو ضمانت ور کولی شي، نو د خوشي کولو لپاره به یې د طالبانو مشر تصمیم ونیسي.

افغان ولسمشر د اوربند په تړاو د عالمانو له وړاندیز وروسته، تېره پنجشنه په یوه وېډیويي پیغام کې وویل، د روژې له ۲۷مې نېټې د کوچني اختر تر پنځمې پورې پر افغان وسله والو طالبانو خپل ټول تهاجمي عملیات دروي.

په ورته مهال هغه دا هم وویل، چې د داعش او نورو نړیوالو ترهګرو شبکو پرضد به عملیات دوام لري.

په دې وسیله کې د غږ اوريدل او ویډیو لیدنه شونې نه ده.
د طالبانو اوربند: له عبدالسلام راکټي سره مرکه

که څه هم د ښاغلي غني دا پرېکړه له هرکلي سره مخ شوه او له وسلوالو طالبانو هم د ورته ګام هیله کېده، خو ځینې سیاستوالو یې مخالفت هم وکړ.

د افغانستان د ملي امنیت پخواني مشر امرالله صالح په خبره، ښايي دغه اوربند ډېرې خونړۍ او بوږنوونکې پایله ولري.

غبرګونونه

په افغانستان کې د ملګرو ملتونو دفتر یوناما د طالبانو د دغه لنډمهالي اوربند هر کلی کړی دی. یوناما په خبرپاڼه کې ویلي په افغانستان کې روانې شخړې پوځي حل نه لري او تمه ښيي چې دا اوربند د طالبانو او افغان حکومت ترمنځ د سولې خبرو لپاره ښه ګام شي.

په افغانستان کې د جرمني سفارت هم د طالبانو د اوربند هرکلی کړی دی او وايي دا د سولې اوږدمهاله خبرو لپاره ښه پیل دی.

خو د وسلوالو طالبانو د اوربند اعلان خواله رسنیو کې لاس په لاس کېږي او هر کلی یې شوی دی.

ډېرو افغان کارنو هیله ښودلې چې دغه اوربند دایمې اوربند او سولې ته لار برابره کړي.

د ناټو او امریکا غبرګون

د انځور حقوق Getty Images
Image caption ناټو او امریکا له طالبانو سره د افغان حکومت د اوربند هر کلی کړی دی.

که څه هم وسلوال طالبان وايي، دغه اوربند یواځې د افغان ځواکونو لپاره دی، خو واشنګټن پوسټ ورځپانه د امریکا د دفاع وزیر جېم مټېس له قوله لیکي، د افغان حکومت د اوربند پر مهال پر طالبانو بریدونه نه کوي.

د سولې عالي شورا غبرګون

پاکستان کې د افغانستان سفیر حضرت عمر زاخېلوال پر ټویټر د طالبانو له خوا درې ورځني اوربند ته په غبرګون کې لیکي:

جېم مټېس د جمعې په ورځ (د جون ۷) په بروکسل کې د ناټو هېوادونو د دفاع وزیرانو په ناسته کې خبریالانو ته وویل، اوس چې افغان دولت د یوې اونۍ لپاره له وسله والو طالبانو سره اوربند اعلان کړی، د امریکا پوځ ته به په دې موده کې فرصت په لاس ورشي چې د طالبانو پر ضد د خپلو هوایي عملیاتو ته دمه وکړي او ټول پام د داعش ډلې پر ضد عملیاتو ته واړوي.

د ناټو د دفاع وزیرانو د غونډې په لومړۍ ورځ (د جون پر اتمه) د دې ټولنې د سر منشي ینس ستولتنبرګ د افغان حکومت لخوا له طالبانو سره د اوربند د اعلان هرکلی وکړ او ویې ویل، دا پرېکړه ښيي چې افغان حکومت د خبرو اترو له لارې د روان کړکېچ د اواري په هکله جدي دی.

ورته مطالب