طالب استازو 'له اندونیزیايي چارواکو سره خبرې کړې'

وسلوال طالبان وايي، د دې ډلې یوه پلاوي تېره اونۍ اندونیزیا ته تلیی او د دغه هېواد له چارواکو سره یې لیدلي دي.

قطر کې د طالبانو د سیاسي دفتر ویاند محمد سهیل شاهین وايي، د دوی پلاوي د اندونیزیا د مرستیال ولسمشر، بهرنیو چارو وزیر او افغان چارو کې د اندونیزیا د ولسمشر استازي سره خبرې کړې دي.

د دې طالب پلاوي مشرۍ قطر کې د دې ډلې د سیاسي دفتر مشر عباس ستانکزي کوله.

* پومپیو: افغانان د سولې د خبرو مشري کوي

* " د افغان سولې لپاره باید د شمالي کوریا له مسلې زدکړه وشي"

له اندونیزیايي چارواکو سره د طالبانو د لیدنې خبر په داسې مهال دی چې دې ډلې په وروستیو کې سخت بردیونه وکړل.

په ورته مهال د دوی استازو څه کم یوه اونۍ مخکې د ازبکستان له چارواکو سره هم لیدنې درلودې.

د انډونیزیا لیدنه

وسلوال طالبان وایي، چې له اندونیزیايي چارواکو سره یې پر افغان سوله او له افغانستان د بهرنیو ځواکونو پر وتلو غږېدلي دي.

دا ډله وايي، د اګسټ له ۱۲ تر ۱۵ یې له اندونیزیايي چارواکو سره خبرې درلودې.

* ازبکستان، افغانستان لپاره نوې اقتصادي لار

* طالب پلاوي په ازبکستان کې څه کول؟

اندونیزیا له دې مخکې د اسلامي عالمانو د ناستې کوربه وه چې پکې ځانمرګي بریدونه د اسلامي اصولو خلاف وبلل شول.

وسلوال طالبان بیا بیا ځانمرګي بریدونه کوي.

دې ډلې له عالمانو هم غوښتي و چې د انډونیزیا غونډه کې ګډون ونه کړي.

د ازبکستان سفر

د اګسټ په ۱۱ د ازبکستان د بهرنیو چارو وزارت ومنله چې د عباس ستانکزي په مشرۍ یې د طالبانو له یوه پلاوي سره لیدلي دي.

ازبک چارواکي وايي، د بهرنیو چارو وزیر عبدالعزیز کاملوف له دې پلاوي سره پر افغان سوله خبرې درلودې.

خو وسلوال طالبان وايي، له ازبک چارواکو سره یې د افغان سولې بهیر پر خبرو سربېره د بهرنیو ځواکونو پر موجودیت او په افغانستان کې د اورګاډي پټلۍ او برېښنا پروژو د امنیت په اړه خبرې کړې دي.

د بهرنیو ځواکونو د موجودیت او په افغانستان کې د اورګاډي پټلۍ او برېښنا پروژو د امنیت په اړه له ازبکستاني چارواکو سره خبرې کړې دي.

دوه اونۍ وړاندې دې ډلې بي بي سي ته ومنله چې د امریکا د بهرنیو چارو وزارت له مرستیالې الیس سره یې لیدلي دي.