فراه کې د چورلکې لوېدو جګپوړي افغان چارواکي وژلي

وژل شوي کسان د انځور حقوق Social Media
Image caption پېښه کې وژل شي (له ښۍ خوا: د ولایتي شورا مشر محمد فرید بختور، د ۲۰۶ ظفر قول اردو مرستیال نعمت الله خلیل، د ولایتي شورا غړې غړې جمیله امیني، او پیلوټ محمد عارف).

د افغانستان سوېل لوېدیځ فراه ولایت سیمه ییز چارواکي وايي، په دې ولایت کې یوه چورلکه د خرابې هوا له کبله لوېدلې.

د فراه سیمه ییزو چارواکو د بي بي سي محفوظ ذبیدي ته ویلي، پېښه کې د ولایتي شورا مشر فرید بختور، ددې شورا د غړې جمیله امیني، په لوېدیځ کې د ۲۰۶ ظفر قول اردو مرستیال نعمت الله خلیل او د دوو پیلوټانو په ګډون ۲۵ کسان وژل شوي.

هرات کې زموږ خبریال محمد قاضي زاده وايي، پېښه کې د فراه د ولایتي شورا اوسنی غړی خیر محمد نورزی هم وژل شوی.

وسله والو طالبانو ادعا کړې چې دا چورلکه د دوی کسانو ویشتلې ده. اناردره د طالبانو لاس کې ده.

بلخ کې چورلکه لوېدلې؛ پیلوټ او ۲ افغان سرتېري وژل شوي

فراه کې د اردو چورلکه کې چاودنې 'پنځه' کسان وژلي

ښاغلی مهري زیاتوي، چورلکه نن ګهیځ شاوخوا نهه بجې د فراه اناردرې ولسوالۍ "جال غازي" سیمه کې هرات ته پر لار ولوېده.

نوموړی وايي، دوې چورلکې اناردرې ولسوالۍ ته د امنیتي ځواکونو د اکمالاتو لپاره روانې وې، چې د خرابې هوا له امله یې یوه ولوېده او بله په ناستې بریالۍ شوه.

د فرید بختور په اړه ویل کېږي، چې څه موده مخکې طالبان فراه ته ننوتل، نوموړي ورسره تر پایه وجنګېد.

د هغه په اړه دا هم ویل کېږي، چې د مسایلو په تړاو په زغرده غږېده او له رسنیو یې څه نه پټول.

جمیله امیني یوه دوره د ولایتي شورا مشري هم کړې او د خپلې صریح لهجې له کبله یې شهرت درلود.

پېښه کې نور وژل شویو کسانو په اړه ویل کېږي، چې د ولایتي چارواکو ساتونکي او خدمه وو.

افغان چارواکي وايي، د ملي اردو دا چورلکه له ایران سره پرپوله لوېدلې ده.

سیمه ییزو سرچینو بي بي سي ته ویلي، د پېښې پرمهال په سیمه کې دروند باران روان و.

د روان کال د وږي پر ۲۴مه هم فراه کې له مهماتو یوې بار د ملي اردو چورلکې بېړنۍ ناسته وکړه او بیا مهمات پکې چاودلي چې چورلکه ویجاړه شوه او پنځه کسان پکې ووژل شول.

پېښه د فراه بالابلوک ولسوالۍ کې رامنځ ته شوې وه.

د افغانستان دفاع وزارت وايي، سږ کال افغانستان کې تر اوسه اوه چورلکې لوېدلې دي.

د پېښې په اړه د افغانستان د هوایي ځواک قومندان جنرال عبدالوهاب وردګ پر خپله فیسبوکپاڼه لیکلي: "یوازې تسلیت وایم، نور هېڅ شی نه شم ویلی، خو: افسوس، افسوس او افسوس..".

یاده چورلکه د هرات له شینډنډ ولسوالۍ نه فراه ولایت ته د افغان ځواکونو د ملاتړ لپاره روانه وه.

او د همدې کال د وږي پر ۱۱مه له بلخ ولایت نه د فاریاب پولیسو ته د اکمالاتو یوه لېږدوونکې چورلکه ولوېده چې یو پیلوټ او دوه سرتېري پکې ووژل شول.

چارواکو د چورلکې د لوېدو لامل تخنیکي ستونزه ښودلې وه.

فراه د افغانستان په لوېدیځ کې هغه نسبتاً نا امنه ولایت دی چې هوارې سیمې لري او له هرات، غور، هلمند او نیمروز ولایتونو سره ګډه پوله لري.

په دې وسیله کې د غږ اوريدل او ویډیو لیدنه شونې نه ده.
د فراه مرکز ته د طالبانو ننوتل

ویل کېږي طالبانو ته په دې ولایت کې له یوې سیمې تر بلې او ان څنګلورو ولایتونو ته تګ راتګ ډېر اسانه دی.

د تېر غويي پر ۲۵مه وسله والو طلبانو د فراه مرکز د نیولو لپاره له څو لوریو ډله ییز بریدونه وکړل او د ښار مرکز ته ننوتل.

ورته مطالب