د سولې خبرو لپاره د افغان حکومت مذاکراتي ټيم اعلان شو

سلام رحیمي د انځور حقوق AFP/GETTY IMAGES
Image caption په دې بورډ کې ټولټال ۱۲ کسان دي او مشري به یې د ولسمشر د دفتر رئیس سلام رحیمي کوي

افغان ولسمشر محمد اشرف غني له وسله والو طالبانو سره د سولې د احتمالي خبرو لپاره د خپل حکومت د مذاکراتي بورډ د غړو نومونه اعلان کړي دي.

په دې بورډ کې ټولټال ۱۲ کسان دي او مشري به یې د ولسمشر د دفتر رئیس سلام رحیمي کوي. د بورډ نور غړي په لاندې ډول دي:

  • د پوهنې وزیر محمد میرویس بلخلي
  • د اطلاعاتو او فرهنګ وزیره حسینه ساپۍ
  • د لوړو زدکړو د وزارت معین عبدالتواب باالکرز ی
  • د کډوالو او راستنېدونکو د چارو وزارت معینه ډاکټره عالمه
  • د ملي امنیت د لوي ریاست معاون جنرال عبادالله عباد
  • د ولسي جرګې غړې شاه گل رضايي
  • د علماوو شورا غړی عطالله لودین
  • د پکتیا والي شمیم خان کټو ازی
  • د سترې محکمې غړی عبدالله عطايي
  • د بهیرنیو چارو وزارت د فرهنګي چارو ر ئیس توریالی غیاثي
  • د حج اوقافو معین عبدالحکیم منیب

د ارګ په اعلامیه کې راغلي چې افغان حکومت غواړي طالبان د یوې داسې دیموکراتیکې ټولنې برخه وګرځي چې د ټولو ونډه او برخه پکې مالومه وي.

په اعلامیه کې د افغان حکومت له لوري لاندې ټکو ته هم اشاره شوې ده.

• له اساسي قانون سره سم د ټولو اتباعو، په ځانګړې توګه د حقونو او مکلفیتونو تامنیول.

• د اساسي قانون منل او د اساسي قانون له احکامو سره سم د هغه تعدیل.

• له قانون سره سم د ملکي خدمتونو، امنیتي او دفاعي ځواکونو د فعالیتونو پر مخ وړل.

• هېڅ یوې وسله والې ډلې ته چې له بهرنیو تروریستي شبکو، بهرنیو تخریبي سازمانونو، دولتي یا غیر دولتي بنسټونو سره اړیکه ولري او په افغانستان کې د نفوذ په لټه کې وي، اجازه نه ورکول کېږي.

د ارګ په اعلامیه کې همدا راز راغلي دي چې د سولې خبرې به په پنځو پړاونو کې ترسره کېږي.

لومړی به په کور د ننه له افغانانو سره په دې برخه کې سلا مشوره کېږي.

ورپسې به پاکستان او امریکا سره خبرې کېږي، او په درېیم پړاو کې به دا خبرې د سیمې نورو هېوادونو ته هم غځېږي.

په څلورم پړاو کې به اسلامي او عربي هېوادونه سره خبرې وشي او په پنځم پړاو کې به د ناټو غړي او غیر ناټو هېوادونه هم د دې پروسې پرخه وګرځي.

د انځور حقوق AFP

اعلامیه زیاتوي چې د راتلونکي پسرلي ولسمشریزې ټاکنې د سولې خبرو لپاره ډېرې اړینې دي.

د افغان سولې په هکله د مسکو او واشنګټن خپلمنځي سیالي

خلیلزاد د سولې هڅو لپاره کابل ته تللی

دا اعلان په داسې حال کې کېږي چې څه موده وړاندې ګنګوسې وې چې د سولې د خبرو د بریالیتوب لپاره ښایي د ولسمشرۍ ټاکنې وځنډول شي.

خو د افغانستان د ټاکنو کمیسون نن چارشنبه د اعلان وکړ چې د ولسمشرۍ ټاکنو به د اپرېل په شلمه نېټه ترسره کېږي، او د ټاکنو ته یې بشپړ مهالوېش هم اعلان کړ.