"کونړ کې ۲۳ زره بېځایه شوي کسان بېړنۍ مرستې ته اړتیا لري"

کونړ

په افغانستان کې د ملګرو ملتونو د بشري چارو د همغږۍ اداره اوچا ( OCHA) وايي، د کونړ چپه دره کې د داعش او طالبانو ترمنځ د جګړو له ويرې۲۳ زره کسان له خپلو ځايونو بې ځايه شوي دي چې بېړنیو مرسته ته اړتیا لري.

د دې ادارې مشر ایان ريډلي ( Ian Ridley) چې نن (سه شنبه اپریل لسمه) يې په جلال اباد ښار کې رسنيز کنفرانس ته خبرې کولې وويل، د بې ځایه شويو ډېره برخه کوچنيان او مېرمنې دي او له نيمايي ډېرو ته تراوسه لومړنۍ مرستې نه دي رسېدلي.

نوموړي وویل:

''زه دوې اندېښنې لرم، یوه د هغو کسانو په اړه ده چې جګړه کې بند پاته دي او نه شي کولای چې ځان وباسي، خلک باید دا غوراوی ولري چې د جګړو سیمه کې پاته کېږي او که هغه سیمه پریږدي، بله اندېښنه مې د هغو کسانو په اړه ده چې خپلې سیمې یې پرېښي دي، دا بې ځایه شوي غواړي چې خپلو مېنو ته ستانه شي، خو د دې کار لپاره باید ښکېلې ډلې جګړه ودروي، زما اندېښنه داده چې ممکن خلک په میاشتو میاشتو بېرته ستانه نه شي او وضعیت یې لا ترینګلی شي. ''

کونړ: هوايي بمبارۍ کې ملکي خلک وژل شوي

'داعش کونړ کې ماین پاکان تښتولي'

پر کونړ د پاکستان توغندیز برید دوه کسان وژلي ''

دې ادارې په چپه دره کې د جګړې په منځ کې د ایسارو خلکو ژوند ته اندېښنه ښودلې او د بې ځايه شويو وګړو بېرته ځای پر ځای کېدل يې هم ستونزمنه چاره بللې ده.

بل لور ته د کونړ چارواکو ويلي، د اسلامي دولت نومي ډلې داعش او وسله والو طالبانو ترمنځ نښتې د حمل له لومړي ورځو پيل شوې چې دوې اونۍ وړاندې یې زور کړی دی.

دا جګړه د چپې درې په ورسک تنګي کې پيل او په مکمل او ديګل دره کې د دې ډلو وسله وال سره په سختو جګړو واوښتل او له يو بل سيمې لاندې او خلک يې خپلو مېنو پرېښودو ته اړ کړل.

که څه هم د کونړ ځايي چارواکو بې ځايه شويو سره د مرستو رسولو خبره کړې وه، خو د ملګرو ملتونو د بشري همغږۍ ادارې مسوولین وايي، لا هم نيمايي بې ځايه شويو خلکو ته مرستې نه دي رسېدلي.

د انځور حقوق Getty Images
Image caption د کونړ د چپې درې د ولسوال په خبره جګړه لومړی په لنډلام دره کې پیل شوه.

په دې جګړو کې د ولسي خلکو د بې ځايه کېدو سربېره د ملکي وګړو د کورونو د سوځېدو او چارواکو دواړو ډلو ته د ۵۰ وسله والو ته د مرګ ژوبلې اوښتو خبره کړې وه.

که څه هم په چپه درې ولسوالۍ کې اوس جګړه توده نه ده، خو د خلکو اندېښنې کمې شوې نه دي او لا هم له سيمې په راوتلو دي.

له هغه وروسته چې افغان امنیتي ځواکونو په ننګرهار کې د داعش پروړاندې عملیات کړندي کړل او ګڼې سيمې د دوی له ولکې وويستل شوې، امریکايي چارواکو وويل،ددغې ډلې وسله والو د کونړ ځینو غرنیو درو ته مخه کړې ده.

ورته مطالب